समाजवादीका जिल्ला कमिटी सदस्य सहित वडा कमिटि एमालेमा समायोजन

धादिङबेशी । नेकपा समाजवादी जिल्ला कमिटि २ सदस्य सहित निलकण्ठ नगरपालिका वडा नम्बर ५ को समाजवादी पार्टी कमिटि एमालेमा समायोजन भएको छ ।

समाजवादिका जिल्ला कमिटि सदस्य रामहरि ढुंगाना, दिपक खतिवडा, वडा कमिटिका अध्यक्ष आर पि पुडासैनि, सानुकाजि बज्राचार्य लगायतको वडा कमिटि आफ्नै घर नेकपा एमालेमा फर्केका छन् । आफ्नो रगत पसिना र जिवनको उर्जाशील समय खर्चेको पार्टी एमाले भएकोले यो भन्दा बाहिर रहेर राजनितीक भविष्य खोज्न नसकिने भन्दै एमालेमा नै फर्किएको जिल्ला कमिटी राहरि ढुंगानाले बताउनुभयो ।

पार्टी प्रवेश अघि भएको छलफल कार्यक्रममा नेकपा एमाले केन्द्रीय सदस्य तथा जिल्ला ईन्चार्ज धर्मदत्त देवकोटा, केन्द्रीय सल्लाहकार परिषद सदस्य तथा संस्थापक नेता जगन्नाथ नेपाल, जिल्ला कमिटि सचिव राधिका सापकोटा, पुर्व प्रदेश कमिटि सदस्य रामकुमार अधिकारी, जिल्ला कमिटि सदस्य तथा नगर ईन्चार्ज वेदनिधि पाठक, जिल्ला कमिटि सदस्य केदार खतिवडा, जिल्ला कमिटि सदस्य तथा वडा नं ५ का ईन्चार्ज रमेश ढकाल, निलकण्ठ नगर कमिटि अध्यक्ष काजि श्रेष्ठ, काठमाडौ सम्पर्क मन्चका उपाध्यक्ष केदार जमकट्टेल लगायत नेताहरूको सहभागिता रहेको थियो ।