अब पार्टीको एकता कार्यकर्ता तहबाट गर्ने होः भानुभक्त ढकाल

धादिङ,१३ बैशाख
नेकपा एमाले स्थायी कमिटी सदस्य तथा पुर्वमन्त्री भानुभक्त ढकालले अबको पार्टी एकता कार्यकर्ता तहबाट हुने बताउनु भएको छ ।तल नै एमालेमा समावेश गरेर ल्याउने र सहभागी गराउने बताउनुभएको छ । बिहीबार आरुबासटारमा भएको नेकपा एमाले सिद्धलेक गाउँपालिकाको दोश्रो गाउँ अधिवेशनको उद्धघाटन गर्नुहुँदै ढकालले एमालेमा समावेश गरेर जिम्मेवारी लिन कार्यकर्तालाई आग्रह गर्नुभएको हो ।
प्रमुख अतिथि ढकालले स्थानिय कार्यकर्ताले मुल नेतृत्वमा सबै नपुगेपनि सबैलाई जिम्मेवारी दिने कार्या तथा नीतिगत व्यवस्था पार्टीले गरेको बताउनुभयो । सम्मेलनमा उठेपछि हारेपनि वा पद नपाए पनि सक्रिय र जिम्मेवारी पुर्वक काम गरेमा जनताले खोजेरै अघि ल्याउने ढकालको भनाइ छ । नेकपा एमालेको जनसंगठन र मेटेरियल भएकोले पार्टीमा तालिम दिन अनुरोध बताउनुभयो ।गैर एमालेलाई एमाले बनाएमा मिसन ८४ मा लक्ष भेदन गर्न सकिने बताउँदै यस पटक दसाले घेरेर सफलता भेटिएन तर अर्को पटक कायम गर्नका लागि लाग्न कार्यकर्ता लाई अनुरोध गर्नुभयो ।

अबको पार्टी एकता तलबाट होे । तल नै एमालेमा समावेश गरेर ल्याउने र सहभागी गराउने हो । माथिबाट होईन । ढकालले एमालेमा समावेश गरेर जिम्मेवारी लिन आग्रह गर्नुभयो । नेकपा एमाले केन्द्रीय सदस्य तथा धादिङ ईन्चार्ज धर्मदत्त देवकोटाले आर्थिक रुपमा पारदर्शी संगठनका हिसावले जिल्लामा छ नम्बरमा रहेकोले सफलताको मंजिलमा पुगेको बताउदै मिसन ८४ सफल बनाउन सक्षम नेतृत्व निर्माण गर्न आग्रह गर्नुभयो ।नेकपा एमालेलाई भोलिदेखि नै निर्वाचन लागेर काम गर्न कार्यकर्तालाई एमाले केन्द्रीय सदस्य जानुका सिंखडाले आग्रह गर्नुभयो ।
नेकपा एमाले जिल्ला अध्यक्ष भूमि त्रिपाठीले एमालेले सिद्धलेकमा जनताका लागि रगत बगाएर एमाले विनाको सिद्धलेक कल्पना गर्न नसकने अवस्थामा पुर्याएको बताउनुभयो ।

पछिल्लो पटक हामी आफ्नै कारणले हारेको बताउँदै यसको गम्भीर समीक्षा गर्दै मिसन ८४ मा एमाले एक्लै उभिँदापनि विजय हुनेगरि पुनःलाग्न अनुरोध गर्नुभयो ।एमाले संघर्ष एकता र संघर्ष को लागि जुझारु संगठन बनाउन देवकोटाले व्यवस्थित रुपमा नेतृत्व चयन गर्न आग्रह गर्नुभयो ।कार्यक्रममा नेकपा एमाले केन्द्रीय सदस्य जानुका सिंखडा, सल्लाहकार तथा धादिङका संस्थापक जगन्नाथ नेपाल, धादिङका संस्थापक टंकनाथ शर्मा, शहरी विकास विभाग सचिव गजेन्द्र थपलिया, जिल्ला कमिटि सदस्य तथा सिद्धलेक ईन्चार्ज गोबिन्द कँडेलले शुभकामना व्यक्त गर्नुभयो ।नेकपा एमाले सिद्धलेक गाउँ कमिटी कार्यवहाक अध्यक्ष रामहरि बराकोटीको अध्यक्षतामा भएको अधिवेशनका लागि २ सय १ जना प्रतिनिधि सहभागी हुनुभएको छ । अि