नगर प्रमुख ढुंगानाको अपिल,अभिभावकको करोडौँ रुपैँया जोगिने र गुणस्तरीय शिक्षा उपलब्ध गराईने ऐतिहासिक निर्णलाई सहयोग गरौँ

धादिङ,८ बैशाख
नीलकण्ठ नगरपालिका भित्रका सबै सामुदायिक विध्यालयमा माध्यमिक तह सम्मको शिक्षा निशुल्क गर्ने निर्णय पूर्ण रूपमा कार्यन्वयनमा ल्याएको छ । धादिङ नगरपालिकाका नगर प्रमुख भिम प्रसाद ढुंगानाले नीलकण्ठ नगरपालिका भित्रका सबै सामुदायिक विद्यालयमा माध्यमिक तह सम्मको शिक्षा निशुल्क गर्ने निर्णय पूर्णरुपमा कार्यन्वयन गरेको बताउनुभयो ।संविधानले माध्यामिक तह सम्मको शिक्षा निशुल्क रहने उल्लेख गरेपनि साधन स्रोतको अभावमा त्यो पूर्ण रूपमा कार्यन्वयनमा आउन सकिरहेको थिएन । ढुंगानाको प्रमुख चासो भनैकै विध्यार्थीलाई सहज रूपमा गुणस्तरीय शिक्षा प्रदान गर्ने रहेको बताउनुभएको छ ।

यसै क्रममा नीलकण्ठ नगरपालिका भित्रका ३७ वटा विध्यालयहरूलाई समायोजन गरिएको छ । यसले सबै विद्यार्थीलाई निशुल्क शिक्षा प्रदान गर्ने विषयलाई स्रोतको हिसाबले बल पुगेको छ । अभिभावकका करोडौं रकम जोगिनेछन् । विध्यालय जान सक्ने सबै भाईबहिनीहरू शिक्षाबाट बन्चीत हुन नपरोस् भन्नेमा ढुंगाना पूर्णरुपमा विश्वस्त छन् । त्यही कुरालाई दृष्टिगत गर्दै हाल कायम रहेका ईसीडी विध्यालयहरूलाई कायम नै राखिएको छ ।

जहाँ सम्म जिल्ला सदरमुकाममा रहेका नीलकण्ठ, बालमन्दीर र ईजारा आधारभुत विध्यालयहरू मध्ये नीलकण्ठमा कक्षा ६ देखी १२ सम्म, बालमन्दीरमा कक्षा १ देखी ५ सम्म र ईजारा आधारभुतमा ईन्जीनियरीङ पढ्ने विध्यार्थीहरू अध्यानरत रहनेछन् । तपाईका छोरा छोरी पढ्ने विध्यालयहरूमा अब कुनै पनि नाममा शुल्क उठाउन पाईनेछैन, यदि त्यस्तो भए नगरपालिकाको शिक्षा शाखामा जानकारी दिन समेत ढुंगानाले आग्रह गर्नुभएको छ । अब नगरपालिका भित्रका सबै विध्यालयहरूमा समान रूपबाट गुणस्तरीय शिक्षा प्रदान गरिनेछ ।

विध्यालयहरूमा हाल कायम कुनै पनि शिक्षक कर्मचारीका दरबन्दी काटिएका छैनन् । म सम्पूर्ण नगरबासीलाई आश्वस्त बनाउन चाहान्छु, तपाईंका बाल बच्चाहरूलाई समयनुकुल गुणस्तरीय शिक्षा प्रदान गर्ने विषयमा सामुदायिक विध्यालयमा कुनै पनि स्रोत साधन र योग्य शिक्षकको कमी हुन दिने छैन । ढुंगानाले भने सबै विद्यालयहरूको ऐतिहासिकता र अस्तित्वलाई स्विकार गर्दै मुख्य रूपमा विद्यार्थीलाई निशुल्क रूपमा गुणस्तरिय शिक्षा प्रदान गर्ने विषयलाई प्राथमिकतामा राखिएको हो ।

यसबाट कहीँ कतै अभिभावक र विध्यार्थीमा असर पुग्न गएको भए सच्याउँदै लगिनेछ ।तर संविधानत प्रदत्त निशुल्क शिक्षाको अधिकारलाई मैले नेतृत्व गरेको नगरपालिकामा पूर्ण रूपमा कार्यन्वयन गर्ने विषयमा किन्चीत बिचलित हुनेछैन ढुंगानाले बताउनुभयो ।यो अभियानमा सबै अभिवावक, विध्यार्थी, शिक्षक र कर्मचारीको साथ सहयोग र समर्थन रहनेछ भन्ने विश्वास व्यक्त गर्दै सम्पूर्ण नगरबासीलाई शिक्षामा गर्न खोजिएको सुधारको अभियानमा सहयोग गर्नुहुन र कमजोरीप्रति सजग गराउनुहुन पनि विशेष अपिल समेत गर्नुभयो ।