सिद्धलेकमा लागुपदार्थ दुर्व्यसनी बिरुद्धको जनचेतना मुलक नाटक प्रदर्शनी

धादिङबेशी । सिद्धलेक गाउँपालिकाको आयोजना तथा एस जोडी क्रियसन प्रा.ली.को संयोजनमा सिद्धलेक गाउँपालिकाको बिभिन्न बिद्यालयमा जनचेतना मुलक नाटक प्रदर्शनी गरिएको छ ।

राष्ट्रिय स्तरका कलाकारहरु सितादेवि तिमल्सेना, सुदिपबाबु खतिवडा, श्याम बुढाथोकी, दिपेश घिमिरे, माधव भुर्तेल र कल्पना खतिवडा लगाएतका कलाकारहरुले लागुपदार्थ दुर्व्यसनी बिरुद्ध सचेतना मुलक नाटक प्रदर्शन गरेका थिए ।

आज सिद्धलेक गाउँपालिका वडा न ५ मा रहेको बागबच्छला मावि, वडा न ७ मा रहेको महाकाली मावि र जालापादेवी आविमा सचेतना मुलक नाटक प्रदर्शनी गरिएको कलाकार सुदिपबाबु खतिवडाले बताउनु भयो ।

उहाँका अनुसार शुक्रबार नलाङ पात्ले मावि र अमर आदर्श माविमा उक्त सचेतना मुलक नाटक प्रदर्शनी हुनेछ । नाटकको लेखन तथा निर्देशन सितादेवि तिमल्सेना र सुदिपबाबु खतिवडाले गर्नु भएको छ ।

बिद्यालयमा यस किसिमको नाटक प्रदर्शनीले बिद्यार्थी बालबालिकाहरुलाई लागुपदार्थ दुर्व्यसनी बाट जोगाउन मद्धत पुग्ने र उक्त नाटकले बिद्यार्थीहरुमा लागुपदार्थ दुर्व्यसनी सम्बन्धी सचेतना अभिवृद्धि भएको बिद्यालयका शिक्षक तथा प्रधानाध्यापकहरुले बताएका छन् । लागुपदार्थ दुर्व्यसनी रोकथाम तथा नियन्त्रणका लागी प्रदर्शनी गरिएको नाटक उत्कृष्ट रहेको शिक्षकहरुको भनाई छ ।