नीलकण्ठ नगरपालिकाको आयोजनामा फागुन ५ देखि अन्तरपालिका स्तरीय फुटसल प्रतियोगिता हुँदै

धादिङबेशी । नीलकण्ठ नगरपालिकाको आयोजनामा अन्तरपालिका स्तरीय फुटसल प्रतियोगिता हुनेभएको छ । धादिङबेशी स्थित धादिङ फुटसल एकेडेमीमा यही फागुन ५,६ र ७ गते प्रतियोगिता हुने भएको हो ।

नीलकण्ठ नगरपालिकाबाट स्वीकृत कार्यक्रम अन्तरर्गत १३ वटै स्थानिय तह स्तरीय फुटसल प्रतियोगिता आयोजना गरिएको हो । प्रतियोगितामा खेलाडीहरु जनप्रतिनिधि तथा कर्मचारी मात्र समावेश हुन पाउने छन् ।

प्रतियोगितामा प्रथम, द्धितिय र तृतिय हुने पालिकालाई क्रमश नगद १ लाख, ५० हजार र २५ हजार सहित ट्रफी मेडल र प्रमाण पत्र प्रदान गरिने छ ।

साथै उत्कृष्ट प्लेयर, उत्कृष्ट किप्पर र सर्वाधिक गोलकर्तालाई जनही ५ हजार मेडल र प्रमाण पत्र प्रदान गरिने छ । प्रतियोगितामा सहभागि हुनको लागि फागुन ३ गते बेलुका ५ बजेसम्म टिम दर्ता गर्नुपर्ने छ ।