धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
धादिङमा परमेश्वरको मण्डलीद्वारा सरसफाइ तथा वातावरणीय सचेतना कार्यक्रम
भतिजको खुकुरी प्रहारबाट गम्भीर घाइते भएका वृद्धको उपचारको क्रममा निधन
करेन्ट लागेर धादिङको गल्छीमा एक पुरुषको मृत्यु
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
नागढुङ्गा–नौबिसे सडकखण्ड दिउँसोको समयमा साढे ४ घण्टा बन्द हुने
धादिङ,१६ माघ ।
शितल सापकोटा
धादिङमा बजार अनुगमन फेरी तीव्र बनेको छ । दशै तिहार जस्ता पर्वहरुमा खाद्यान्न र होटल व्यवसायको अनुगमनलाई तीव्र पारेको जिल्ला अनुगमन समितिले अहिले स्वास्थ्य संस्था र भेटेरीनरीहरुको अनुगमनलाई तीव्र पारेको हो ।
कानून विपरित हुन सक्ने गतिविधि रोक्न सम्बन्धित विशेषज्ञसहितको उपस्थितिमा अनुगमन गरिएको जिल्ला अनुगमन समितिका संयोजक एवं् सहायक प्रमुख जिल्ला अधिकारी हुमनाथ पराजुलीले बताउनुभयो । विगतको अनुगमनमा गरिएका निर्देशन पालनाको अवस्था र सरकारको मापदण्ड पालनाको अवस्थाबारे अनुगमन गरिएको उहाँले बताउनुभयो ।
अनुगमनको क्रममा सोमबार धुनिवेसी नगरपालिका–१ भञ्ज्याङ पोखरीमा संचालित धुनिवेसी स्वास्थ्य क्लिनिक प्रा.लि. र धुनिवेसी फार्मेसीलाई अनुगमन टोलीले दश÷दश हजार जरिवाना गराएको छ । लाइसेन्स नभएको व्यक्तिले औषधी विक्रि गरेको र प्रतिवन्धित औषधी विक्रि गरेको आवश्यक कागजपत्र विना नै संस्था संचालन गरेको र म्याद गुज्रिएको औषधी विक्रि गर्न रोखेको पाइएकोले उपभोक्ता संरक्षण ऐन बमोजिम कारबाही गरिएको सहायक प्रमुख जिल्ला अधिकारी पराजुलीले बताउनुभयो ।
अनुगमन समितिले भेटेरीनरी औषधी पसलहरुमा भने विगतमा भन्दा सुधार आएको फेला पारेको छ । एक वर्ष अगाडि भएको अनुगमनमा अधिकांश भेटेनरी औषधी पसलहरु कारबाहीमा परेको भएपनि अहिले ती पसलहरुले सुधार गरेको पाइएको अनुगमनमा पुग्नुभएका जिल्ला भेटेनरी अस्पताल तथा पशु सेवा विज्ञ केन्द्र धादिङका प्रमुख सन्दिप सिलवालले बताउनुभयो ।
अनुगमन गरिएका अधिकांश ठाउँहरुमा औषधी व्यवस्था विभागको मापदण्ड अनुसार नै पसल संचालन गरेको पाइएको सिलवालले बताउनुभयो । अनुगमनको क्रममा केही पसलहरुलाई एक साधाभित्र सुधार लिखित निर्देशन दिइएको छ । यस्तो अनुगमनले व्यवसायीहरु सचेत बन्ने र सेवाग्राही र उपभोक्ताले राम्रो सेवा पाउने थाक्रे गाउँपालिका वडा नं ६ की रिता विडारीको भनाइ छ ।
अनुगमन समितिले अहिले धादिङ जिल्लाको राजमार्ग क्षेत्रमा पर्ने धुनिबेसी, थाक्रे, गल्छी, गजुरी र बेनिघाटमा अनुगमन गरिरहेको छ । जिल्लाका गाउँ गाउँमा समेत पुगेर अनुगमन गर्ने योजनासहित अनुगमनलाई तीव्र पारिएको अनुगमन समितिले जनाएको छ ।
