स्ववियु नीलकण्ठद्वारा विद्यार्थीहरुलाई स्वागत तथा विदाई

धादिङ, ०६ पौष ।
नीलकण्ठ बहुमुखी क्याम्पसका स्नातक तह प्रथम वर्षका विद्यार्थीहरुलाई स्वागत तथा चौथो वर्षका विद्यार्थीहरुलाई विदाइ साथै फेरि भेटौला कार्यक्रम गरिएको छ । शुक्रबार स्वतन्त्र विद्यार्थी युनियन नीलकण्ठ बहुमुखी क्याम्पसको आयोजनामा विद्यार्थीहरुलाई स्वागत तथा विदाइ कार्यक्रम गरिएको हो ।

स्वागत तथा विदाइ कार्यक्रमलाइ सम्बोधन गर्नुहुँदै नीलकण्ठ नगरपालिकाका मेयर भीम प्रसाद ढुंगानाले स्वदेशमा रोजगारी सिर्जना गर्नको लागि लनशिल र अनुशासित भएर पढ्न आग्रह गर्नुभएको छ ।

देशको लागि केहि गर्छु भन्ने भावना राखेर अघि बढ्न समेत विद्यार्थीहरुलाई आग्रह गर्नुभयो । विद्यार्थीहरुको शैक्षिक सुधार र गुणस्तरिय शिक्षाको लागि नगरपालिकाले सहयोग गर्ने मेयर ढुंगानाले बताउनुभएको छ ।

कार्यक्रमकै अवसरमा पारेर “आर्थिक कारणले पाठ्यपुस्तक किन्न नसक्ने विद्यार्थीहरुलाई सहयोग पुगोस् भन्ने उद्देश्यले “ आफूले प्रयोग गरिसकेको नयाँ तथा पुराना पाठ्यपुस्तक संकलन गर्ने अभियानको सुरुवात गरिएको स्ववियुका अध्यक्ष कविराज श्रेष्ठले बताउनुभयो । श्रेष्ठले स्वास्थ्य सँगसँगै शिक्षाको पनि बिमा कार्यक्रम हुन आवश्यक रहेको बताउनुभएको छ ।

स्ववियु नीलकण्ठ बहुमुखी क्याम्पसका अध्यक्ष कविराज श्रेष्ठको अध्यक्षतामा सम्पन्न कार्यक्रममा नीलकण्ठ नगरपालिकाका मेयर भीम प्रसाद ढुंगानाको प्रमुख आतिथ्यता रहेको थियो ।

कार्यक्रममा नगरपालिका संघका केन्द्रिय सल्लाहाकार सरोज अधिकारी,स्ववियुका पुर्व अध्यक्ष तथा नीलकण्ठ नगरपालिका–१० का वडा अध्यक्ष सरोज पाण्डे तथा पुर्व विद्यार्थी समाजको अध्यक्ष एंव नेपाली कांग्रेस महाधिवेश प्रतिनिधि नरेन्द्र भटको विषेश आतिथ्यता रहेको कार्यक्रममा शिक्षक, विद्यार्थी लगायतको उपस्थिति रहेको थियो ।