बच्छलादेवी माविको ४९ औँ बार्षिक उत्सव,जग्गादाता लगाएत सहयोगी दाताहरुलाई सम्मान

धादिङबेशी । बच्छलादेवी मावि खनियाबास ५, सत्यदेवीको ४९ औँ बार्षिक उत्सव समारोह सम्पन्न भएको छ । बिद्यालय ब्यवस्थापन समितिका अध्यक्ष राजु प्राखिनको अध्यक्षतामा भएको कार्यक्रममा बागमती प्रदेशका खानेपानी उर्जा,तथा सिचाई मन्त्रि तीर्थ बहादुर लामाको प्रमुख आतिथ्यता तथा गाउँपालिकाका अध्यक्ष रण बहादुर तामाङको बिशेष आतिथ्यतामा सम्पन्न भएको छ ।

कार्यक्रममा बच्छलादेवी भुपु बिद्यार्थी समाजका अध्यक्ष बम बहादुर तमाङ, समाजका सचिव तथा शितल छहारी नेपालका अध्यक्ष कृष्ण बहादुर पौडेल तथा समाजका सदस्य शिवहरी सापकोटाको आतिथ्यता रहेको थियो ।

बार्षिक उत्सवको समारोहमा भुपु बिद्यार्थी समाज द्धारा बिद्यालयलाई ७ लाखको बराबरको न्यानो कपडा र स्टेशनरी हस्तान्तरण गरिएको छ ।उक्त समानहरु मध्ये शिवहरि सापकोटा द्धारा ४ लाख ५३ हजार बराबरको सामान र अन्य अरु अन्य सदस्यहरु बाट संकलन गरिएको हो । बार्षिक उत्सव कै अवसरमा गणेश हिमाल फाउन्डेशनका अध्यक्ष शिवहरि रिजाल द्धारा २२ जना बिद्यार्थीलाई जनही ५ हजारका दरले १ लाख १० हजार छात्रावृद्धि प्रदान गर्नु भएको थियो ।

बिद्यालयले बार्षिक उत्सवकै अवसर पारेर ११७ रोपनी जग्गादाता रिजाल परिवार लगाएत अन्य सहयोगी संघ संस्था तथा ब्यक्तिहरुलाई समेत सम्मान गरेको थियो ।

कार्यक्रमलाई सम्बोधन गर्नुहुदै बागमती प्रदेशका मन्त्रि खानेपानी उर्जा,तथा सिचाई मन्त्रि तीर्थ बहादुर लामाले बिद्यालयमा २५ लाखको खानेपानी योजनालाई यसै बर्षमा कार्यान्वयनमा ल्याउने प्रतिवद्धता ब्यक्त गर्नु भयो ।

बिद्यालय ब्यवस्थापन समितिका अध्यक्ष राजु पाख्रिनले कार्यक्रमा सहयोगी दाताहरु सवैमा धन्यावाद प्रकट गर्दै आगामी दिनमा पनि सहयोगको अपेक्षा गर्नु भएको छ । बिद्यालयका प्रअ चित्र बहादुर गुरुङले बिद्यालयको भावि कार्ययोजना प्रस्तुत गर्नु भएको थियो । बिद्यालयले बार्षिक उत्सवमा मनमाया वाईवा,उर बहादुर तामाङ लगाएत कलाकारको सास्कृतिक कार्यक्रम समेत गरेको थियो ।

भुपु बिद्यार्थी समाजका अध्यक्ष बम बहादुर तामाङले आगामी बर्ष देखि ५ लाख बराबरको अक्षयकोष स्थापना गरि छात्रावृद्धि प्रदान गर्ने घोषणा गर्नुभएको समाजका सचिव कृष्ण बहादुर पौडेलले जानकारी दिनु भयो ।