माध्यमिक विद्यालय स्तरीय वक्तृत्वकला प्रतियोगितामा अनिषा श्रेष्ठ प्रथम

धादिङ,२० मंसिर
लैङ्गिक हिंसा बिरुद्धको १६ दिने अभियानको अवसरमा माध्यमिक विद्यालय स्तरीय बक्तृत्वकला प्रतियोगिता सम्पन्न भएको छ । श्रोत परिचालन बचत तथा ऋण सहकारी संस्था लि. को आयोजना तथा नीलकण्ठ नगरपालिकाको व्यवस्थापनमा धादिङ बेशी स्थित नीलकण्ठ मा.विमा प्रतियोगिता सम्पन्न भएको हो ।

समतामुलक समाजको आवश्यकता, लैङिग्क हिंसा अन्त्यको सुनिश्चितता विषयक प्रतियोगितामा शंखादेवि मा.वि कि छात्रा अनिषा श्रेष्ठ प्रथम, सुनौला भैरवी मा.वि कि छात्रा प्रशंसा श्रेष्ठ द्धितिय, नीलकण्ठ मा.वि कि छात्रा शर्मिला तामाङ तृतिय र स्थानापति मा.वि कि छात्रा सिमा थपलिया सान्त्वना भएकी छिन् ।

प्रतियोगितामा नीलकण्ठ नगरपालिका भित्रका ८ वटा विद्यालयको ९ देखि १२ कक्षा सम्मको १४ जना विद्यार्थीहरुको सहभागिता रहेको थियो ।
संस्थाका अध्यक्ष रूद्र बहादुर खत्रीको सभापतित्वमा भएको प्रतियोगितामा निलकण्ठ नगरपालिका शिक्षा शाखा प्रमुख मेघनाथ कोईरालाको, विभिन्न विद्यालयका शिक्षक, विद्यार्थी लगायतको आतिथ्यता रहेको थियो ।