आज अस्ताउँदो सुर्यलाई अर्घ दिई छठ पर्व मनाईदै

धादिङ,३ मंसिर
आज छठ पर्व हर्षोउल्लाषको साथ मनाईदैछ । छठ पर्वको मुख्य दिन आज साँझ अस्ताउँदो सूर्यलाई पूजा आराधना गरी अर्घ दिइँदैछ । छठ पर्वको मुख्य दिन अस्ताउँदो सूर्यलाई पूजा आराधना गरी अर्घ दिइन्छ भने त्यसको भोलिपल्ट बिहान उदाउँदो सूर्यलाई अर्घ दिएर छठ समापन गरिन्छ । ब्रतालुले आज रातभर जाग्राम बसेर भोलि बिहान उदाउँदो सूर्यलाई अर्घ दिन्छन् ।

छठको व्रत विधिपूर्वक सम्पन्न गर्नाल मनले चिताएको पुग्ने, परिवारको कल्याण हुने र आफ्ना सम्पूर्ण दुःख र कष्ट हटेर जाने जनविश्वास रहेको छ ।विशेषगरी तराई क्षेत्रमा मनाइने छठ पछिल्लो समय पहाडी र हिमाली क्षेत्रका मानिसले पनि मनाउँदै आएको पाइन्छ । धादिङबेसीमा पनि विगत केहि बर्षदेखी धुमधामको साथ छठ पर्व मनाईने गरिन्छ ।