खाल्टे सामुदायिक सिकाई केन्द्रको आयोजनामा कानुनी साक्षरता कार्यक्रम संचालन

नीलकण्ठ समचारदाता । नीलकण्ठ नगरपालिका वडा नं ५ स्थित फ्याक्सेमा कानुनी साक्षरता कार्यक्रम संचालन भएको छ । खाल्टे सामुदायिक सिकाई केन्द्रको आयोजनामा शुक्रबार कानुनी साक्षरता कार्यक्रम संचालन भएको हो ।

४ वटा आयोजना समुहबाट ३० जनाको सहभागिता रहेको कार्यक्रममा घरेलु हिंसा कसरी हुन्छ ? को बाट हुन्छ ? के गर्यो भने हुन्छ ? र हिँसा भइहाल्यो कहाँ उजुरी गर्ने ? केके गर्ने लगायतका विषयमा धादिङ बार एसोसिएसनका पुर्व अध्यक्ष तथा मानव अधिकार संगठन धादिङका अध्यक्ष कृष्ण राज अधिकारीले सहजीकरण गर्नुभएको थियो ।

कार्यक्रमका प्रमुख अतिथि समेत रहनु भएका नीलकण्ठ नगरपालिका वडा नं ५ का वडा अध्यक्ष राम बहादुर श्रेष्ठले वडामा संचालन भएको कार्यक्रम उपब्धिमुलक भएको भन्दै खाल्टे सामुदायिक सिकाई केन्द्रलाई आफुले सकेसम्मकोे सहयोग गर्ने बताउनुभएको छ । सामुदायिक सिकाई केन्द्र अन्तर्गतका आयोजना समुहमा रहने दिदी बहिनीहरुलाई कानुनी प्रावधानहरुका विषयमा जानकारी दिनको लागि कार्यक्रम संचालन गरिएको सिकाई केन्द्रका अध्यक्ष नेम बहादुर श्रेष्ठले बताउनुभयो । उहाँले आगामी दिनमा बचतको कार्यक्रम, कानुनी साक्षरता कार्यक्रम र सिप मुलक कार्यक्रमहरु संचालन गरिने समेत बताउनुभएको छ । केन्दले प्रत्येक वर्ष कानुनी साक्षरता कार्यक्रम संचालन गदैँ आएको उहाँको भनाई छ ।

खाल्टे सामुदायिक सिकाई केन्द्रका अध्यक्ष नेम बहादुर श्रेष्ठको अध्यक्षतामा भएको कार्यक्रममा नीलकण्ठ नगरपालिका वडा नं ५ का अध्यक्ष राम बहादुर श्रेष्ठको प्रमुख आतिथ्य तथा धादिङ बार एसोसिएसनका पुर्व अध्यक्ष कृष्ण राज अधिकारीको विषेश आतिथ्य रहेको थियो ।