बालमन्दिर माविले विविध कार्यक्रम गरी मनायो, ५९ औं बाल दिवस

धादिङ । धादिङ्ग जिल्लाको सदरमुकाममा अवस्थित बालमन्दिर माध्यमिक विद्यालयले विविध कार्यक्रम गरी ५९ औं राष्ट्रिय बाल दिवस भव्यताका साथ सम्पन्न गरेको छ।

विविध कार्यक्रम अन्तर्गत विद्यालयमा कक्षा ११ मा भर्ना भएका नयाँ विद्यार्थीलाई स्वागत, कक्षा १२ उत्तिर्ण लाई बिदाई र अन्तर कक्षा तीज गीत नृत्य प्रतियोगिता राखिएको थियो। बालबालिकामा लगानी, सुनिश्चित भविष्यको थालनी भन्ने राष्ट्रीय नारालाई आत्मसाथ गर्दै कार्यक्रम सञ्चालन गरिएको थियो। प्रतिनिधि सभा सदस्य माननीय रामनाथ अधिकारीको प्रमुख आतिथ्यतामा सम्पन्न कार्यक्रममा निलकण्ठ नगरका कार्यवाहक प्रमुख दीपक विकको विशिष्ठ आतित्यथा रहेको थियो।

कार्यक्रममा प्रमुख अतिथि रामनाथ अधिकारीले जिल्लाको शैक्षिक गुणस्तर कायम राख्नका लागि बालमन्दिर माविले विशेष भूमिका खेलेको र विद्यालयलाई आफूले सक्ने सहयोग गर्ने समेत प्रतिवद्वता जाहेर गर्नु भएको थियो। विशिष्ट अतिथि दीपक बिश्वकर्माले निलकण्ठ नगरपालिका सधैं बालमैत्री नगरपालिका भएको र अझै बालबालिकामा लगानी गर्न विविध बालमैत्री कार्यक्रम हरु आउने प्रक्रियामा रहेको समेत जानकारी दिनुभयो।