राधाकृष्ण मन्दिर संचालन समितिको साधारणसभा सम्पन्न,श्रीकष्ण जन्माष्टमीको पुजापाठको तयारी तिब्र

धादिङ । श्री राधाकृष्ण मन्दिर संचालन समितिको १७ औँ बार्षिक साधारण सभा सम्पन्न भएको छ । मंगलबार मन्दिर परिसरमा संचालन समितिका अध्यक्ष तथा संरक्षक ज्ञाईन्द्र बहादुर श्रेष्ठको अध्यक्षतामा साधारण सभा सम्पन्न भएको हो ।

साधारण सभामा समितिका उपाध्यक्ष राजकुमार श्रेष्ठ द्धारा पेश गरिएको प्रगती प्रतिवेदन र संस्थाका कोषाध्यक्ष मोहन कुमार श्रेष्ठ द्धारा पेश गरिएको आर्थिक प्रतिवेदन सर्व सहमत पास गरिएको छ । राधाकृष्ण मन्दिरका संरक्षक सर्वोच्च अदालतका पुर्व न्यायाधिस माननिय ज्ञाईन्द्र बहादुर श्रेष्ठ तथा अधिबक्ता नारायण श्रेष्ठ द्धारा ३५ लाख अक्षयकोषको स्थापना भएकोमा उहाँले आज थप ३ लाख अक्षयकोषमा रकम थप गर्नुभएकोले अक्षयकोषमा ३८ लाख पुगेकोे छ ।

मन्दिर र ट्रस निर्माणका लागी प्रकाश कुमार श्रेष्ठले ५० हजार र प्रदिप अधिकारीले ३ हजार दुई सय बराबरको पानीको डोड, बिके मार्वलले १ हजार र गोकुल न्यौपानेले १ बाक्सा टायल सहयोग गरेका छन् । समितिले भोली श्री कृष्ण जन्माष्टमी पर्वको तयारीका लागी मन्दिर क्षेत्रको सरसफाई ध्वजा पतंगा, र स्वागत गेट राखि पुजापाठको तयारी ब्यापक बनाएको छ । समितिले भक्तजनहरुलाई पुजापाठ पछि प्रसाद वितरण कार्यक्रमको समेत ब्यवस्थापन मिलाएको छ ।

भाद्र २१ गतेका दिन धादिङबेशी बजारमा श्रीकृष्णको रथ निकाली लाखे सहित बजार परिक्रमा गराउन झिगु नेवा समाज धादिङको समेत सहभागिता गराईने भएको छ ।
समितिका उपाध्यक्ष राजकुमार श्रेष्ठले श्रीकृष्ण जन्माष्टमी पर्वको अवसरमा सम्पुर्ण भक्तजनहरुलाई पुजापाठका निमित्त आग्रह गर्नु भएको छ ।