क्यान्सर पिडित साइली तामाङलाई चिल्ड्रेनपार्क आवासिय मावि र सिपि कलेजको आर्थिक सहयोग

धादिङ,३१ साउन ।
स्तन क्यान्सर पीडित साईलीमायाँ तामाङको उपचारको लागि चिल्ड्रेनपार्क आवासिय माध्यमिक विद्यालयले आर्थिक सहयोग गरेको छ । धादिङको नीलकण्ठ नगरपालिका वडा नम्बर १४ पात्ले निवासी साईलीमायाँ तामाङको  उपचारको लागि विद्यालयको तर्फबाट नगद सहयोग गरीएको विद्यालयका प्रिन्सिपल षष्टि कुमार श्रेष्ठले जानकारी दिनुभयो ।

विद्यालयको शिक्षक र विद्यार्थीबाट संकलन गरीएको ३२ हजार २ सय ७५ रुपैयाँ साईलीमायाँ तामाङको छोरा त्यहि कलेजको विद्यार्थी सुजन तामाङलाई प्रिन्सिपल श्रेष्ठले हस्तान्तरण गर्नुभएको छ । साईलीमायाँ तामाङको नेपाल क्यान्सर अस्पताल हरिसिद्धीमा उपचार भईरहेको छ । विद्यालय परिवारले साईलीमायाँ तामाङकोको स्वास्थ्य लाभको कामना समेत गरेको छ ।