शिक्षक महासंघद्वारा जिल्लाका सबै पालिकामा ३ घण्टा धर्ना

धादिङ,२८ साउन ।
धादिङको १३ वटै पालिकामा शिक्षक महासंघले आज धर्ना दिएको छ । सबै स्थानिय तहका शिक्षकहरुले आज ३ घण्टा धर्ना दिएका हुन् । केन्द्रिय कार्यक्रम अन्तरगत आज बिहान ११ बजेदेखी २ बजे सम्म आ आफ्नो पालिका अगाडी धर्ना दिइएको हो । बिभेदकारी ऐन,राहत शिक्षक ब्यबस्थापन ,बालशिक्षक र बिद्यालय कर्मचारी समायोजन र स्थायी शिक्षक पेन्सन कटौती लगाएतको बिरुद्धमा शिक्षकहरु हान्दोलित भएका हुन् ।

प्रस्तावित विद्यालय शिक्षा विधेयकका केही व्यवस्थाप्रति असन्तुष्टि जनाउँदै आज नेपाल शिक्षक महासंघ धादिङले केन्द्रिय कार्यक्रम अनुसार नीलकण्ठ नगरपालिका सहित जिल्लाको सबै स्थानित तहमा धर्ना दिएका हुन् । शिक्षक महासंघले माध्यमिक शिक्षा सम्मको अधिकारलाई स्थानीय तहको एकल अधिकारको सूचीमा राख्न नहुने माग राख्दै आएको छ ।

स्थायी, अस्थायी, करार, राहत, साविक उच्च माध्यमिक विद्यालय, बालकक्षा, विशेष कक्षा, शिक्षण सिकाइ अनुदान, प्राविधिक धारलगायत सबैखाले शिक्षक र विद्यालय कर्मचारीका माग विधेयकले सम्बोधन नगरेको भन्दै चरणबद्ध आन्दोलनको घोषणा गरीएको छ ।सरकारले ल्याएको विधेयक नसच्चार कडा आन्दोलन गर्ने शिक्षकहरुले चेतावनी दिएका छन् । विद्यालय बन्द सम्मको आन्दोलनको कार्यक्रम रहेको भन्दै माग सम्बोधन गरेर सहज वातावरण बनाउन समेत शिक्षक सम्बद्ध संघ संगठनहरुले माग गरेका छन् ।