शिक्षा विधेयकको विरोधमा धादिङका निजी विद्यालय सञ्चालक आन्दोलित,साउन २८ देखी विद्यालय बन्द गर्ने घोषणा

धादिङ,२४ साउन
विद्यालय शिक्षा सम्बन्धि कानुनलाई संशोधन र एकिकरण गर्न बनेको विधेक २०८० मा भएका बुँदाहरु सच्चाउन प्याव्सन र नेशनल प्याब्सनले सरकारलाई आग्रह गरेको छ । मन्त्री परिषदबाट पास गरीएको र संसदमा टेबल गर्ने तयारी गरेको भन्दै यथास्थितमा पास गरिए कडा आन्दोलनमा उत्रने समेत चेतावनी दिएको छ ।

आज धादिङबेसीमा प्याब्सन र नेशनल प्याब्सनले पत्रकार सम्मेलन गर्दै नीजी लगानीको संरक्षण सम्बद्र्धनको सुनिश्चिता हुने लिखित प्रतिबद्धता सरकारको तर्फबाट जारी नभएमा देशैभरी सन्चालित विदालय बन्द गर्ने,सवारी साधन सहित सडकमा प्रर्दशन गर्ने जस्ता कार्यक्रमहरु सन्चालन गर्ने जानकारी गराइएको हो । आफ्नो मागहरु सम्बोधन नभए धादिङमा निजी शिक्षालय सञ्चालकहरूले साउन २८ गतेबाट अनिश्चितकालीन विद्यालय बन्द घोषणा गरेका छन् ।

आज प्याब्सन र एनप्याब्सनले धादिङबेशीमा सयुक्त पत्रकार सम्मेलनको आयोजना गर्दै विद्यालय शिक्षा ऐनको मस्यौदा सच्याउन माग गर्दै बिरोधमा उत्रिएका हुन् ।निजी शिक्षालय सञ्चालकहरूले बिद्यालय बन्द देखि सार्वजनिक स्थलमा विद्यालयका सवारी साधन पार्किङ गरिदिने सम्मको चेतावनी दिएका छन् ।
प्याब्सन र एनप्याब्सनले विद्यालय बन्द गर्दा पनि सुनुवाई नभए भदौ १ गतेबाट विद्यालयका सवारी साधनहरू सरकारी सवारी साधन पार्किङ गर्ने सार्वजनिक स्थलमा पार्किङ गर्ने घोषणा पनि गरेका छन् ।

निजी शिक्षालय सञ्चालकहरूले मुख्य गरी मस्यौदाको दफा ४ उल्लेख भएको निजी विद्यालयको स्थापना र सञ्चालनसम्बन्धी दफाको उपदफा (३) मा प्रचलित कम्पनी कानुनबमोजिम स्थापना भई सञ्चालनमा रहेका संस्थागत विद्यालय यो ऐन प्रारम्भ भएको मितिले पाँच वर्षभित्र शैक्षिक गुठीको रूपमा रूपान्तरण गरी सञ्चालन गर्नुपर्ने बुँदा हटाएर हालकै अवस्थाको हुनुपर्ने माग अघि सारेका छन् । धादिङबेसीमा पत्रकार सम्मेलन गर्दै प्याब्सन धादिङका अध्यक्ष विनोद मान श्रेष्ठ र नेशनल प्याब्सन धादिङका अध्यक्ष ईश्वरी प्रसाद पाण्डेले आन्दोलनको कार्यक्रमहरु सार्वजिनक गर्नुभएको छ ।