नीलकण्ठ मावि, युवा रेडक्रस सर्कल द्धारा वृक्षारोपण

धादिङ । नेपाल रेडक्रस सोसाईटी युवा रेडक्रस सर्कल नीलकण्ठ माध्यामिक विद्यालयले विद्यालय परिसरमा वृक्षारोपण गरेका छन् । आज एक कार्यक्रमको आयोजना गरि रेडक्रस सर्कलमा आवद्ध बिद्यार्थीहरुले बृक्षारोपण कार्यक्रम गरेका हुन् ।

बृक्षारोपणमा धुपी,रुद्राक्ष,कल्की र कपुरका बिरुवाहरु रोपिएको छ । नेपाल रेडक्रस सोसाईटी युवा रेडक्रस सर्कल नीलकण्ठ माविका अध्यक्ष दिपेन्द्र आचार्यको अध्यक्षतामा भएको कार्यक्रममा नेपाल रेडक्रस सोसाईटी, जिल्ला शाखा धादिङका कोषाध्यक्ष नारायण कुमार श्रेष्ठ,शिक्षक नायक राजेन्द्र राना मगर,बिद्यालयका शिक्षक बिष्णु प्रसाद रिजाल र युवा रेडक्रस सर्कलका सदस्यहरुको सहभागिता रहेको थियो ।

त्यसैगरी नीलकण्ठ माध्यामिक बिद्यालयमा Day for Girls को बिशेष सहयोगमा ११ र १२ कक्षा अध्ययनरत किरोर किशोरीहरुको लागी महिनावारीको स्वच्छता सम्बन्धि जानकारी दिएको छ । कार्यक्रममा प्रशिक्षक तारा कार्की र विमला ढकालले सहजीकरण गर्नु भएको थियो । सोहि अवसर पारेर २५० जना किशोरीहरुलाई स्यानेटरी प्याड समेत बितरण गरिएको शिक्षक नायक राजेन्द्र राना मगरले जानकारी दिनु भयो ।