धादिङमा थप ५८ जनामा डेङ्गी संक्रमण

धादिङ,१७ साउन
धादिङमामा आज थप ५८ जनामा डेङ्गी संक्रमण पुष्टि भएको छ । पछिल्लो सातादेखी जिल्लामा संक्रणम हुनेको दर बढीरहेको छ। आज थप २६ जना पुरुष र ३२ जना महिला गरी ५८ जना डेङ्गीका बिरामी भेटिएको स्वास्थ्य कार्यालय धादिङले जनाएको छ।नीलकण्ठ नगरपालिकाका ४९ जना, ज्वालामुखीका ३ जना, सिद्धलेक, रुवीभ्याली, गँगाजमुना, नेत्रावती डबजोङ, खनियाबास र त्रिपुरासुन्दरी गाउँपालिकाका १ १ जना रहेका छन्। जिल्लामा डेङ्गी संक्रमण हुनेको संख्या ६ सय ६५ पुगेको छ।

लामखुट्टेको टोकाइबाट जोगिनको लागि झुल टाँगेर सुत्न,खेतबारीमा काम गर्दा लामो बाहुला भएको लुगा लगाउन, घरको झ्यालढोकामा जाली हाल्न, लामखुट्टे भगाउने धुप वा मलमको प्रयोग गर्न, घरपालुवा पशुपक्षी व्यवस्थित ढङ्गले पाल्न र घर वरिपरि गमला, टायर वा कुनै पनि खुला भाँडामा पानी जम्न नदिन स्वास्थ्य कार्यालय र नीलकण्ठ नगरपालिकाले आग्रह गर्दै आएको छ ।