सुनका सिक्का लुटेर प्रहरी फरार

भारतको मध्यप्रदेशको अलिराजपुर जिल्लामा एक आदिवासी परिवारबाट प्रहरीले दुई सय ४० वटा सुनका सिक्का लुटेका छन् । ती सिक्काको मूल्य डेढ करोडभन्दा बढी रहेको अनुमान गरिएको छ । घटना सार्वजनिक भएपछि हाल फरार रहेका ५ प्रहरीलाई निलम्बन गरिएको छ ।समाचार अनुसार उत्खननका क्रममा आदिवासीहरूले सुनका सिक्का फेला पारेका थिए। जसलाई पछि आफनो घरको जमिनमा लुकाएर राखेका थिए ।

प्रहरीले यसबारेमा आफनो गुप्तचारबाट जानकारी लिएको थियो । गुप्तचरबाट जानकारी प्राप्त भए लगत्तै प्रहरीले गत जुलाई १९ गते त्यहाँ पुगेर आदिबासीको घरवाट सिक्का लिएर फरार भएकोभारतीय सञ्चारमाध्यमले जनाएका छन् । घटननापछि पाँच अभियुक्तलाई निलम्बन गरेर अनुसन्धान सुरु गरिएको छ ।