लामखुट्टेको वासस्थान नष्ट गर्न बिषादी छर्किदै नीलकण्ठ नगरपालिका

धादिङ ११, साउन
धादिङको नीलकण्ठ नगरपालिकाले लामखुट्टेको बासस्थान नै नष्ट गर्ने कार्यक्रम सुरु गरेको छ । पछिल्लो समय डेंगुको संक्रमण बढ्दै जान थालेपछि लामखुट्टेको वासस्थानको खोजी गरेर नष्ट गर्ने कार्यक्रम सुरु गरीएको बरिष्ठ जनस्वास्थ्य अधिकृत विष्णु रिजालले जानकारी दिनुभयो । नीलकण्ठ नगरपालिकाको स्वास्थ्य शाखाले ‘लामखुट्टे खोज अनि नष्ठ गर’ भन्ने अभियानअन्तर्गत त्यसका अण्डा र लार्भालाई नष्ट गर्न बिषादी छर्कने काम सुरु गरेको हो । बुधबारबार नीलकण्ठ नगरपालिकाले जिल्ला अस्पताल धादिङ भित्र र बाहिर,त्रिवेणी चोक लगायत बिच बजार वरपर लामखुट्टेको वासस्थान खोज्दै बिषादी छर्कने काम सम्पन्न भएको हो ।नीलकण्ठ नगर प्रहरीले (फगिङ) औषधी छर्कन सुरु गरेका हुन् । बिहिबार पुछार बजार पेट्रोलपम्प वरपर बिषादी छर्कने कार्यक्रम रहेको रिजालले जानकारी दिनुभयो ।
नगरबासीहरुको स्वास्थ्यलाई उच्च प्राथमिकतामा राखेर काम गर्ने हाल ईन्डोनेसीयामा रहनुभएका नगर प्रमुख भीम प्रसाद ढुंडानाले जानकारी दिनुभयो । अनलाईन मार्फत भएको कुराकानीमा ढुंगानाले अरु विकास निर्माणको काम रोकेर भएपनि नगरबासीको जीउ धनको रक्षाको लागि काम गर्ने प्रतिबद्धता व्यक्त गर्नुभएको छ । म हाल कार्यक्रमको लागि ईन्डोनेसीयाको जाकार्तामा छु,उहाँले भन्नुभयो“ नीलकण्ठमा डेंगु संक्रमण बढीरहेको छ । यसको न्युनीकरण गर्नको लागि सबै नगरबासीको सहयोग र साथको आवश्यकता छ ।मैले कर्मचारीहरुलाई निर्देशन दिएको छु, डेंगु नियन्त्रण गर्ने काममा केहि कुराको कमी नहोस भनेर भनेको छु । म केहि दिनमा आउछु र विशेष योजना बनाएर काम गर्ने छु।” एक जनाको प्रयासले मात्रै डेंगु नियन्त्रण गर्न नसकिने भन्दै ढुंगानाले सम्पुर्ण सरोकारवाला निकाय र नगरबासीहरुबिचको सहकार्य र समन्वय हुनु आवश्यक रहेको बताउनु भएको छ ।डेंगु संक्रमण हुने जिल्ला मध्ये धादिङ दोस्रो स्थानमा परेको छ ।बुधबार मात्र एकै दिन जिल्लामा ५० जनामा डेंगु संक्रमण पुष्टि भएको थियो ।जिल्लाभरी अहिलेसम्म तीन सय भन्दा बढीमा डेंगुको संक्रमण देखिएको छ ।