त्रिपुरासुन्दरीमा बालमैत्री स्थानीय शासन कार्यान्वयन बिषयमा कार्यशाला सम्पन्न

धादिङ,२९ चैत्र ।
बालमैत्री स्थानीय शासन समितिको बैठक तथा बालमैत्री आचार संहिता र कार्यविधि, कार्ययोजना तर्जुमा कार्यशाला सम्पन्न भएको छ । त्रिपुरासुन्दरी गाउँपालिका महिला तथा बालबालिका शाखा वडा नं ३ को कार्यालयको आयोजनामा उक्त कार्यशाला सम्पन्न भएका हो ।

बालमैत्री स्थानीय शासन आचार संहिता निर्माण तथा कार्ययोजना तर्जुमा कार्यशालाको उद्धघाटन वडा अध्यक्ष कमल बहादुर थापाले गर्नुभएको हो । कार्यक्रममा बालबालिकाहरुको सर्वाङ्गिण विकासको लागि वडा नं. ३ ले २०८० सालभित्र वडालाई बालमैत्री स्थानीय शासन अबलम्बन तथा घोषणा गर्ने लक्ष्य सहित कार्य गरिरहेको थापाले बताउनु भयो ।

कार्यशालामा महिला तथा बालबालिका शाखा प्रमुख मिना देवकोटाले गाउँपालिकामा बालमैत्री स्थानीय शासन अबलम्वन तथा घोषणा गर्ने कार्य कुनै परियोजना कार्यान्वयन नभएर बालबालिकाको सर्वाेत्तम हित ,सर्वाङ्गिण बिकास र अर्थपूर्ण सहभागीताको सिद्धान्तमा आधारित सवालहरुलाई स्थानीय तहको निति, योजना , संरचना र कार्य प्रक्रियामा संस्थागत गर्ने शासकीय पद्धति भएको बताउनुभयो । यसलाई कार्यान्वयन गर्ने जिम्मेवारी पनि स्थानीय तहको भएकोले त्रिपुरासुन्दरी गाउँपालिकाले बालमैत्री स्थानीय शासन घोषणाको लागि वडागत अभियानको रुपमा अगाडि बढाईएको उहाँले बताउनु भयो ।

बालमैत्री बनाउन अभियानलाई सार्थक दिने उद्धेश्यले सञ्चालन गरिएको बालमैत्री स्थानीय शासन अबलम्बन तथा घोषणाको लागि वडात हमा गर्नु पर्ने कामको प्राथमिकताक्रम अनुसार कार्ययोजना तयारी र बालबालिका, अभिभावक, बिद्यालय, जनप्रतिनिधिहरुको लागि बालमैत्री आचार संहिता तयार गरिएको महिला तथा बालबालिका शाखा प्रमुख देवकोटाले बताउनु भयो ।

वडा नं ३ का वडा अध्यक्ष कमल बहादुर थापाको अध्यक्षतामा भएको कार्यक्रममा बालमैत्री स्थानीय शासन वडा समितिका पदाधिकारीहरु सहित १९ जनाको सहभागीता रहेको थियो । कार्यशालामा त्रिपुरासुन्दरी गाउँपालिकाका निबर्तमान अध्यक्ष शुम्भु कुमार श्रेष्ठ, वडा नं ३ का निबर्तमान वडाध्यक्ष लोकेन्द्र थापा समेतको उपस्थिति रहेको थियो ।

त्यसैगरी त्रिपुरासुन्दरी गाउँपालिका वडा नं ४ मा पनि बालमैत्री स्थानीय शासन आचार संहिता तथा कार्ययोजना तयारी सम्बन्धि कार्यशालामा सम्पन्न भएको छ । वडाध्यक्ष कपिलदेव सिम्खडाको अध्यक्षतामा भएको कार्यक्रममा २५ जनाको सहभागीता रहेको थियो ।

कार्यशालामा बालमैत्री स्थानीय शासनका ३६ वटा सेवाप्रवाह र १५ संस्थागत गरि ५१ वटा सुचकहरु पूरा गर्न वडास्तरबाट गर्नु पर्ने कार्यहरु बालबालिकाहरुको बस्तुगत विवरण तयारी, आचार संहिता निर्माण, वडा तथा पालिका तहमा बालसंञ्जाल गठन, परिचालन, बाल अधिकार सम्बन्धि सचेतना लगायत बिषयमा गैरसरकारी संस्था महासंघका बागमती प्रदेशका निबर्तमान अध्यक्ष तथा प्रयास नेपाल धादिङका कार्यकारी निर्देशक दामोदर अर्याल र अधिबक्ता सुनिता कडेलले सहजिकरण गर्नु भएको त्रिपुरासुन्दरी गाउँपालिका महिला तथा बालबालिका शाखा प्रमुख मिना देवकोटाले जानकारी दिनु भयो ।