गंगाजमुना गाउपालिका द्धारा बजार अनुगमन, म्याद गुर्जीएको सामाग्री जफत, दर्ता नबिकरण र मुल्य सुची राख्न ७ दिने अल्टिमेटम

धादिङ । धादिङको उत्तरी क्षेत्रमा रहेको गंगाजमुना गाउपालिकाले गाउपालिका भित्र रहेको बजार अनुगमन गरेको छ । बिहिबार गाउपालिकाको वडा न ३ स्थित पोखराडाँडा लगाएतको स्थानमा बजारमा अनुगमन गरेको हो ।

उपभोक्ताको स्वास्थ्य, सुविधा र आर्थिक हित कायम राख्न, उपभोग्य वस्तु वा सेवाको गुणस्तर,परिमाण एवं मूल्यको अनियमितताबाट उपभोक्तालाई संरक्षण प्रदान गर्ने उदेश्यले पाालिकाले बजार अनुगमन गरेको हो । बजार अनुगमनको क्रममा व्यवसायिक कारोबारको दर्ता, नवीकरण, आपूर्ति, मूल्य, गुणस्तर, नापतौल, उत्पादन भएको र त्यसको म्याद सकिने मिति, मूल्यसूची, प्याकेजिङ् लगायतका विषयहरूको विशेष अनुगमन गरेको छ ।

बजार अनुगमनका क्रममा म्याद गुर्जीएको सामाग्री जफत गरी ब्यवसाय दर्ता,नबिकरण र मुल्य सुची राख्न ७ दिने अल्टिमेटम समेत दिएको छ । गंगाजमुना गाउपालिकाका प्रमुख प्रशासकिय अधिकृत अनिल श्रेष्ठले पहिलो पटकमा ब्यवसाय संचालन गर्दा ध्यान दिनुपर्ने कुराहरुलाई सम्झाई बुझाई गरेको र आगामी दिनमा हुने अनुगमनमा हेलचेक्राई गरेको पाइएमा कडा कारबाहि गरिने बताउनु भएको छ ।

आज अनुगमन गरिएका अधिकांश पसलहरूमा मूल्य सूची र व्यवसाय दर्ताको फोटो सबैले देख्ने गरी नराखेकोले तत्कालै राख्न निर्देशन समेत दिनुभएको छ । साथै म्याद सकिएका विभिन्न खाद्य पदार्थहरू कानुन बमोजिम बरामद गरी त्यसको नष्ट गरिएको छ । उक्त बजार अनुगमन कार्यलाई आकस्मिक रुपमा पालिका भित्रका जुनसुकै स्थानमा अब तीब्र रूपमा अगाडी बढाउने उहाँको भनाई छ । गाउपालिका भित्रका व्यवसायीहरूलाई आगामी दिनहरूमा कमी कमजोरी हटाई उपभोक्ताहरूको स्वास्थ्यमा खेलबाड नगर्न र यस्ता कुराहरूमा नागरिकहरुले समेत विशेष ध्यान दिन आग्रह गर्नु भएको छ ।