चिल्ड्रेनपार्क आवासीय माविको बार्षिक उत्सव तथा रजत जयन्ती सूरु,आज बृहत सरसफाई कार्यक्रम(यस्तो छ कार्यक्रमको कार्यतालिका)

धादिङ,९ माघ
चिल्ड्रेनपार्क आवासीय माध्यमिक विद्यालयको बार्षिक उत्सव तथा रजत जयन्तीको अवसरमा आज बजार क्षेत्र सरसफाई गरीएको छ । विद्यालयका प्रिन्सिपल षष्टि कुमार श्रेष्ठ,संयोजक शशी अर्याल लगायत शिक्षकहरुको नेतृत्वमा बजार क्षेत्रको विच बजार,शान्त बजार,पुछार बजार,सिरान बजार लगायतको बजार क्षेत्र भित्र सरसफाई गरीएको हो ।

विद्यालयमा अध्ययन गर्ने विद्यार्थीहरुको सहभागितामा बजार सरसफाई गरीएको हो । विद्यार्थीहरुलाई सामाजिक काममा अग्रसर गराउनुका साथै बजार क्षेत्रलाई स्वच्छ र सफा बनाउने अभियानले विद्यालयको बार्षिक उत्सव तथा रजत जयन्तीको अवसरमा सरसफाई गरीएको विद्यालयका प्रिन्सिपल षष्टि कुमार श्रेष्ठले जानकारी दिनुभयो ।

विहान ७ बजेदेखी सुरु भएको सरसफाई बिहान ९ बजे सकिने छ ।२४ बार्षिक उत्सव तथा रजत जयन्तीको अवसरमा माघ १० गते बृहत खुल्ला रक्तदान कार्यक्रमको आयोजना गरीएको छ । बिहान १० बजदेखी ४ बजेसम्म हुने रक्तदान कार्यक्रममा सहभागि हुनको लागि विद्यालय प्रशासनले सबैलाई आग्रह गरेको छ । यसैगरी माघ ११ गते लोकनृत्य प्रीतयोगिता,बधाई र सम्मान कार्यक्रमको आयोजना गरीएको छ ।

यसैगरी माघ १२ गते बिहिबार पुछार बजारबाट र्याली सहित विद्यालयमा पुगेर अभिभावक नृत्य तथा सम्मान कार्यक्रममा परिणत हुने विद्यालयका प्रिन्सिपल षष्टि कुमार श्रेष्ठले जानकारी दिनुभयो ।