दिपक कोईरालालाई बालमन्दिर माविको अध्यक्ष बनाउने निर्णय उच्च अदालतद्धारा सदर

धादिङ,१४ मंसिर
धादिङ जिल्लाको सदरमुकाम धादिङबेशीमा रहेको बालमन्दिर माविको विद्यालय ब्यवस्थापन समितिको अध्यक्षमा दिपक कोईरालालाई बनाउने निर्णलाई उच्च अदालतले सदर गरेको छ।

माध्यमिक तहको ब्यवस्थापन र नियमनको एकल अधिकार रहेको नगर शिक्षा ऐनको दफा २६(२) अनुसार बहुमत विद्यालय ब्यवस्थापन समितिका सदस्यहरुले गरेका निर्णयलाई सदर गर्दे उच्च अदालत पाटनले आज दिपक काईराला विरुद्ध परेको रीट खारेज गरेको हो।

कोईरालालाई गत साउन २९गते बिद्यालय ब्यवस्थापन समितिको जेष्ठ सदस्यताको अध्यक्षतामा बसेको बैठकले बिद्यालय ब्यवस्थापन समितिको अध्यक्षमा छनोट गरेको थियो।

उच्च अदालतको फैसला संगै कोईरालालाई बालमन्दिर माविको विद्यालय ब्यवस्थापन समितिको अध्यक्ष बनि कार्य गर्न बाटो खुलेको छ ।सत्यको जित भएको भन्दै कोईरालाले विद्यालयको शैक्षिक तथा भौतिक विकासको लागि आफु लागिपर्ने बताउनुभयो ।