धादिङ क्षेत्र न १ मा राजेन्द्र प्रसाद पाण्डे बिजयी

धादिङ ८,मंसिर । धादिङ प्रतिनिधि सभा क्षेत्र न १ मा नेकपा एकिकृत समाजवादीका उपाध्यक्ष समेत रहेका राजेन्द्र प्रसाद पाण्डे बिजयी भएका छन् । उनि ७ हजार ९ सय ८१ मतको अन्तरले बिजयी भएका हुन् ।

पाण्डेले कुल मत गणना हुँदा ३५ हजार ९ सय ३४ मत पाएका छन् । उनका प्रतिस्पर्धी नेकपा एमाललेका उम्मेद्वार भुमी प्रसाद त्रिपाठीले २७ हजार ९ सय ५३ मत पाएका थिए । राष्ट्रिय स्वतन्त्र पार्टीका उम्मेद्वार हिमेश पन्तले १२ हजार ४ सय ७५, मंगोल नेशनल अर्गानाईजेशनका सुमन तामाङले ८ सय ८२,जनता समाजवादी पार्टी नेपालका नोरमान तामाङले १ सय २९, नेपाल मजदुर किसान पार्टीका विश्व अम्मर महर्जनले १ सय ७, जनसमाजवादी पार्टी नेपालका पुष्कर सेडाईले ९४ मत पाएका छन् । त्यसैगरी स्वतन्त्र उम्मेद्वार दिएका उत्तमराज शर्मा कडेलले १ सय १७ मत पाएका थिए ।