धादिङमा निर्वाचनको मतगणना जारी, क्षेत्र न १ मा पाण्डे र २ मा अधिकारीको अग्रता

धादिङ ६,मंसिर । धादिङ जिल्लामा भएको प्रतिनिधि सभा तथा प्रदेश सभा सदस्य निर्वाचनको मतगणनाको भैरहेको छ । पछिल्लो मतपरिणम अनुसार धादिङको प्रतिनिधि सभामा दुवै क्षेत्रमा लोकतान्त्रिक बाम गठबन्धनका उम्मेद्वारले अग्रता लिएको छन् ।

धादिङ क्षेत्र न २ मा भएको मतगणनाको पछिल्लो परिणाम अनुसार नेपाली काग्रेसका सभापती तथा गठबन्धनका उम्मेद्वार रामनाथ अधिकारीले ११,५४१ मत गणना हुँदा ५५४१ मत प्राप्त गरेका छन् । उनका प्रतिस्पर्धि नेकपा एमाललेका उम्मेद्वार खेम प्रसाद लोहनीले ४२९३ मत पाएका छन् । राष्ट्रिय स्वतन्त्र पार्टीका उम्मेद्वार बसुमाया तामाङले हाल सम्मको मतगणनामा ८५१ मत पाएका छन् ।

त्यसै गरी धादिङ क्षेत्र न २ ख नेकपा माओवादी केन्द्रका नेता तथा गठबन्धनका उम्मेद्वार जगत सिम्खडाले ४७१८ मत पाएका छन् । नेकपा एमालले समेत समर्थन गरेको राप्रपाका उम्मेद्वार डम्बर बहादुर तामाङले ४४८१ मत पाएका छन् । तामाङलाई सिंम्खडाले २३७ मतले पछाडी पारेका छन् ।

त्यसैगरी क्षेत्र न २ को क मा नेपाली काग्रेस तथा गठबन्धनका उम्मेद्वार गोविन्द लम्सालले ५३११ पाएका छन् । नेकपा एमाललेका उम्मेद्वार डा. राम कुमार अधिकारीले ४६०४ मत पाएका छन् । लम्सालले डा. लाई ७०७ मतले पछाडी पारेका छन्

त्यसैगरी क्षेत्र न १ प्रतिनिधि सभामा हाल सम्म भएको मत गणनामा एकिकृत समाजवादीका उपाध्यक्ष तथा गठबन्धनका उम्मेद्वार राजेन्द्र प्रसाद पाण्डेले ८,४६४ मत पाएका छन् । उनका प्रतिस्पर्धी नेकपा एमालेका उम्मेद्वार भुमी प्रसाद त्रिपाठीले ८१०५ मत पाएका छन् । त्रिपाठी भन्दा पाण्डे ३५९ मतले अगाडी रहेका छन् । स्वतन्त्र पार्टी बाट निर्वाचनमा होमीएका हिमेश पन्तले २५२१ मत पाएका छन् । मंगोल नेशनल अर्गानाईजेशन नेपालका उम्मेद्वार सुमन तामाङले ३२२ मत पाएका छन् ।

त्यसै गरी सोहि क्षेत्रको प्रदेश क मा नेपाली काग्रेस तथा गठबन्धनका उम्मेद्वार मदुकुमार श्रेष्ठले ८७२९ मत प्राप्त गरेका छन् । नेकपा एमाललेका उम्मेद्वार रमेश प्रसाद आचार्यले ७३०९ मत प्राप्त गरेका छन् । नेकपा एमालले बाट असतुष्ट भई स्वतन्त्र उम्मेद्वार दिएका नेत्र प्रसाद पौडेलले २६५५ र राष्ट्रिय प्रजातन्त्र पार्टीका गिता प्रसाद आचार्यले ११९९ मत हासिल गरेका छन् । सोहि क्षेत्रको प्रदेश ख को मतगणना हाल सम्म भएको छैन ।