धादिङ निर्वाचन अपडेट : क्षेत्र नं १ मा भुमी र २ मा रामनाथको अग्रता

धादिङ ६,मंसिर । आईतबार सम्पन्न भएको प्रतिनिधि सभा तथा प्रदेश सभा निर्वाचनको धादिङ जिल्लामा मतगणना कार्य भैरहेको छ । प्रतिनिधि सभा क्षेत्र न १ को गल्छी बैरेनी र क्षेत्र न २ को धादिङबेशी स्थित जिल्ला समन्वय समितिको हलमा मतगणना भैरहेको हो ।

यो समाचार तयार पार्दासम्म क्षेत्र न १ प्रतिनिधि सभामा नेकपा एमालेका उम्मेद्वार भुमी प्रसाद त्रिपाठीले ३८९८ मत पाएका छन् । एकिकृत समाजवादीका उपाध्यक्ष तथा गठबन्धनका उम्मेद्वार राजेन्द्र प्रसाद पाण्डेले ३८७८ मत पाएका छन् । पाण्डे भन्दा त्रिपाठीे २० मतले अगाडी रहेका छन् । स्वतन्त्र पार्टी बाट निर्वाचनमा होमीएका हिमेश पन्तले हाल सम्मको गणनामा ११३३ मत पाएका छन् ।

त्यसै गरी सोहि क्षेत्रको प्रदेश क मा नेपाली काग्रेस तथा गठबन्धनका उम्मेद्वार मदुकुमार श्रेष्ठले २७४२ मत प्राप्त गरेका छन् । नेकपा एमाललेका उम्मेद्वार रमेश प्रसाद आचार्यले १९६६ मत प्राप्त गरेका छन् । नेकपा एमालले बाट अशतुष्ट भई स्वतन्त्र उम्मेद्वार दिएका नेत्र प्रसाद पौडेलले ३९३ र राष्ट्रिय प्रजातन्त्र पार्टीका गिता प्रसाद आचार्यले ४१३ मत हासिल गरेका छन् । सोहि क्षेत्रको प्रदेश ख को मतगणना बिहान ८ बजे बाट हुने बताइएको छ ।

त्यसैगरी धादिङ क्षेत्र न २ मा भएको मतगणनाको पछिल्लो परिणाम अनुसार नेपाली काग्रेसका उम्मेद्वार रामनाथ अधिकारीले १४५७ मत प्राप्त गरेका छन् । उनका प्रतिस्पर्धि नेकपा एमाललेका उम्मेद्वार खेम प्रसाद लोहनीले १११७ मत पाएका छन् । राष्ट्रिय स्वतन्त्र पार्टीका उम्मेद्वार बसुमाया तामाङले हाल सम्मको मतगणनामा १८७ मत पाएका छन् । त्यसै गरी मंगोल नेशनल अर्गनाईजेशनका धनमाया तामाङले ६१ मत पाएका छन् ।

त्यसै गरी धादिङ क्षेत्र न २ ख नेकपा एमालले समेत समर्थन गरेको राप्रपाका उम्मेद्वार डम्बर बहादुर तामाङले १६१० मत पाएका छन् । नेकपा माओवादी केन्द्रका नेता तथा गठबन्धनका उम्मेद्वार जगत सिम्खडाले १५६६ मत पाएका छन् । सिंम्खडालाई तामाङले ४४ मतले पछाडी पारेका छन् । त्यसै गरी नेपाली काग्रेस विपिका सेतेमान घलेले ६१ र मगोल नेशनल अर्गानाईजेशनका सन्तोष कुमार तामाङले ३४ मत पाएका छन् ।

त्यसैगरी क्षेत्र न २ को क मा नेपाली काग्रेस तथा गठबन्धनका उम्मेद्वार गोविन्द लम्सालले २३५८ पाएका छन् । नेकपा एमाललेका उम्मेद्वार डा. राम कुमार अधिकारीले २२४५ मत पाएका छन् । लम्सालले डा. लाई ११३ मतले पछाडी पारेका छन् । त्यसैगरी मगोल नेशनल अर्गानाईजेशनका शालिकराम थापा मगरले २९१ र स्वतन्त्र उम्मेद्वार दिएका दयाराम लम्सालले १९ मत पाएका छन् ।