धादिङमा डेंगी बिरामीको संख्या २ हजार २४१ , आज २४ जना थपिए

धादिङ,२५ कात्तिक ।
धादिङमा आज २४ जनामा डेंगी संक्रमण पुष्टि भएको छ । स्वास्थ्य कार्यालय धादिङको अनुसार नीलकण्ठ नगरपालिकामा २१ जना, सिद्धलेक, ज्वालामुखी र नेत्रावती डबजोङ गाउँपालिकाका १/१ जना गरी २४ जनामा डेंगी संक्रमण पुष्टि भएको हो ।

हालसम्म जिल्लामा १ हजार २०८ जना पुरुष र एक हजार ३३ महिला गरी कुल २ हजार २४१ जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ । जिल्लाका संक्रमित मध्ये आधा भन्दा बढि संक्रमित नीलकण्ठ नगरपालिकामा रहेका छन् ।

कुल संक्रमित मध्ये १०२ जनाको ठेगाना खुलेको छैन भने ९ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ ।फाईल तस्विर