समयमै नेतृत्व नसच्चिए हिसाव किताव हुन्छ : दिलमान पाख्रिन

धादिङ २० कात्तिक । नेपाली काग्रेसका केन्द्रिय सदस्य दिलमान पाख्रिनले समयमा नै नेतृत्व नसच्चिए त्यसको हिसाव किताव हुने बताएका छन् । आज दामन  पाख्रिनको २६ औ स्मृति दिवसको अवसरमा धादिङको किन्ताङफेदीमा आयोजित कार्यक्रममा बोल्दै उहाँले सो कुरा बताउनु भएको हो ।

उहाँले आसन्न चुनावको टिकट बितरण प्रक्रियामा केन्द्रको नेतृत्वले पनि धादिङको भुगोल अनुसार, जनता रोजाई अनुसारको उम्मेद्वार छनोट गर्न नसकेको उहाँको भनाई छ । नेपाली काग्रेस पार्टीमा आफ्नो तिन पुस्ताको लगानी रहेको भन्दै उहाँले नेतृत्वले समयमा नै सोचेर बुद्धि पु¥याएर टिकट बितरण अन्याए भएको रहेछ भनेर नसच्चिएमा त्यसको हिसाव किताव हुने बताएका हुन् ।

उहाँले नेताहरुको आफुहरु खेलौना मात्र नभएको भन्दै नेपाली काग्रेस प्रति माया स्नेह रहेको समेत बताउनु भयो । उहाँले आफ्नो बोली दिलमान पाख्रिनको मात्र नभई सिङगो धाादिङको उत्तरी क्षेत्र रहेको समेत बताएका छन् । आदिबासी जनजातीहरुकोे ढुकढुकी बन्न आफु सफल भएको भन्दै सवैलाई नडराउन नआत्तिन समेत उहाँले आग्रह गर्नु भएको छ । सवै राजनितिक दलहरु सत्तामा कसरी आफु पुग्ने मात्र ध्यान भएको र जनताको सुख र दुखमा र बिकास निर्माणमा ध्यान नगएको उहाँको तर्क छ ।

देशको आवश्यकतामा आएको गठबन्धनले पनि बिधि पद्धतिमा हिड्न नसकेको समेत उहाले दावी गर्नु भएको छ । उहाँले गठबन्धन भन्दा भन्दै राजनितिक दल नै हराउन लागेको समेत ब्यक्त गरेका छन् ।