श्रोत परिचालन साकोष द्धारा सप्ताह ब्यापी कार्यक्रम

धादिङ १८ कात्तिक । श्रोत परिचालन बचत तथा ऋण सहकारी संस्था लि.ले रजत वर्षको अवसरमा सप्ताहब्यापी कार्यक्रम सम्पन्न गरेको छ ।
संस्थाको स्थापना दिवसको अवसर बाट शुरु गरिएको सप्ताहब्यापी कार्यक्रम आज सम्पन्न भएको हो ।

संस्थाले सप्ताहब्यापी कार्यक्रमको पहिलो दिन संस्थापक सदस्यहरु तथा पूर्व अध्यक्षहरुलाई सम्मान, दोस्रो दिन सदस्य हेरचाह अन्तरगत संस्थाको सदस्यको मृत्युमा आश्रित परिवारलाई रु ३५००० को बीमा रकम भूक्तानी र तेस्रो दिन नीलकण्ठ १२ स्थित पशुपती महादेव मन्दिर परिसरको सरसफाइ कार्यक्रम सम्पन्न गरेको छ ।

त्यसैगरी चौथो दिन नीलकण्ठ माध्यामिक विद्यालयका २६ जना विद्यार्थीहरुलाई बाल बित्तिय साक्षरता कार्यक्रम, पाँचौ दिन रक्तदान कार्यक्रम, छैटो दिन सदस्य शिक्षा र आज सातौ दिनमा जेष्ठ नागरिकहरुलाई सम्मान गरि सप्ताहब्यापी कार्यक्रम सम्पन्न गरिएको हो । संस्थाका नवनिर्वाचित अध्यक्ष रुद्रबहादुर खत्रिको अधयक्षतामा सम्पन्न भएको कार्यक्रममा संस्थाका सञ्चालक समिति, लेखा समिति, सल्लाहकार तथा पूर्व अध्यक्षहरु, संस्थापक सदस्यहरु, उपसमिति सदस्यहरु, शेयर सदस्यहरु, कर्मचारी तथा स्थानिय स्वयंसेवीहरुको समेत सहभागीता रहेको थियो ।

सप्ताहब्यापी कार्यक्रमको समापन समारोहलाई सम्बोधन गर्दै संस्थाका अध्यक्ष रुद्र बहादुर खत्रिले सामाजिक कार्य तथा दिगो विकासको लक्ष्य प्राप्तिमा उत्प्रेरणा मिलेकोले कार्यक्रम सम्पन्न गर्न सहयोग गर्ने सवैलाई धन्यावाद प्रकट गर्दै आगामी दिनहरुमा पनि सवै बाट सहयोगको आशा रहेको भन्दै कार्यक्रम समापन गर्नु भएको थियो ।