धादिङमा डेंगी बिरामीको संख्या २ हजार नाघ्यो : आज ६९ जना थपिए

धादिङ,१६ कात्तिक ।
बुधबार धादिङमा ६९ जना डेंगीका संक्रमित थपिएका छन् । स्वास्थ्य कार्यालय धादिङको अनुसार ३८ जना पुरुष र ३१ जना महिला गरी कुल ६९ जना संक्रमित थपिएका हुन् ।

हालसम्म जिल्लामा १ हजार १०२ जना पुरुष र ९३७ महिला गरी कुल २ हजार ३९ जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ । जिल्लाको कुल संक्रमितमध्ये आधा भन्दा बढि संक्रमित नीलकण्ठ नगरपालिकामा रहेका छन् ।

नीलकण्ठ नगरपालिकामा हालसम्म १ हजार २५६ जना संक्रमित भएका छन् भने गजुरीमा १०६, गल्छीमा ९६, बेनिघाट रोराङमा ९५, धुनिबेशीमा ९०, ज्वालामुखीमा ७९, जनामा संक्रमण भएको छ । यस्तै त्रिपुरासुन्दरीमा ७५, सिद्धलेकमा ५५, गंगाजमुनामा २७, थाक्रेमा १८, नेत्रावती डवजोङमा १३, रुवीभ्यालीमा १२ र खनियाबास गाउँपालिकामा ७ जनामा संक्रमण पुष्टि भएको छ ।

कुल संक्रमित मध्ये १०२ जनाको ठेगाना खुलेको छैन भने ८ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ । धादिङमा हाल ३ स्थान (धादिङ अस्पताल, सल्यान्टार प्राथमिक स्वास्थ्य केन्द्र र गजुरी प्राथमिक स्वास्थ्य केन्द्र) बाट डेंगी परिक्षण हुदैँ आएको छ ।फाईल तस्विर