बालेनको अभियान सफल पार्लान् ? (सम्पादकीय)

धादिङ,०७ भाद्र ।
काठमाण्डौ महानगरपालिकाका मेयर बालेन्द्र शाहले अन्डरग्राउण्डमा पसल संचालन गर्नेहरुमाथि एक्सन लिएका छन् ।

काठमाण्डौको बानेश्वर स्थित बजार क्षेत्रमा व्यापारिक कम्प्लेक्सका अण्डरग्राउण्डमा पार्किङ स्थलमा पसल संचालन भएको पाइएपछि ति पसलहरु हटाउन सुरु गरिएको हो । हिजो सोमबार बिहानैबाट महनगरपालिकाका मेयर बालेन्द्र शाह स्वय्म उपस्थित भएर अवैध रुपमा पसलहरु संचालन गरिएका स्थलहरुको अनुगमन गर्दै उक्त क्षेत्र खाली गराउने अभियानको सुरुवात गरेका छन् ।

महानगरपालिकाले यसरी पार्किङस्थलमा संचालित पसलहरु हटाउनु स्वभाविक देखिएपनि यसले बालेन्द्र शाहलाई दिर्घकालीन रुपमा असर देखिन सक्छ । उता काठमाण्डौका घर धनीहरुले घरको अण्डरग्राउण्डलाई पार्किङ स्थल भनी नक्सा पास गरेको पाइएकोमा हाल पसल संचालन गरेको पाइएकोले उक्त पसलहरु हटाउने कामको सुरुवात गरिएको काठमाण्डौ महनगरपालिकाले जानकारी दिएको छ ।

नक्सा पास गराउँदा पार्किङ स्थल भनिएको कोठाहरुमा पसल संचालन गरिनु राम्रो नभएकोले पसल वन्द गराउन थालिएको भएतापनि काठमाण्डौमा स्थानीयहरुले त्यसको विरोध गरिरहेका छन् । आफ्नो घरको कोठामा आफ्नो सोंच अनुसारको व्यवसाय संचालन गर्न पाउनुपर्ने स्थानीयको आवाज छ तर, महानगरपालिकामा नक्सा पास गराउँदा पार्किङ स्थल र स्थलगत अनुगमन गर्दा पसल भएको पाउनु पनि एउटा किसिमको समस्या हो ।

स्थानीयहरुले नक्सा पास गराउँदा किन पार्किङ स्थल भने र अहिले किन पसल चलाईरहेका छन् ? बालेन्द्र शााह आफैंले पनि यो विषयमा गम्भीरताका साथ लिएका छन् कि छैनन् ? कि नक्सा पासको आधारमा हेर्ने र मेल खाए छोड्ने मेल नखाए बन्द गर्ने हो ? काठमाण्डौ महानगरपालिकाले कानूनी रुपमा कुनै व्यवधान सृजना गरेका कारण उनीहरुले नक्सा पास गर्ने समयमा अण्डरग्राउण्ड राख्न बाध्य भएका पो हुन् कि ? यि र यस विषयलाई पनि ध्यान दिनपर्ने देखिन्छ ।

काठमाण्डौ महानगरपालिकाको निर्णय के छ त्यो हेर्न बाँकी छ तर, अहिले पसल वन्द गराउँदा त्यसरी बन्द गराउनेहरुको संख्या के कति हुन सक्छ ? कि स्वतन्त्र व्यक्तिले जितेको धङधङी हो ? यसरी नै अगाडि बढेर बालेन्द्र शाहले आफ्नो अभियान पूर्ण रुपमा सम्पन्न र सफल पार्लान्? यो विषय भने हेर्न बाँकी नै छ ।

यसअघि नै मेयर शाहले ३५ दिने सूचना प्रकाशन गरेर पसल हटाउन भनेको भए पनि पसल संचालकबाट त्यो निर्णयको पालन हुन सकेको छैन यो मेयर शाहलाई एक प्रकारको चुनौती नै हो । मेयर शाहले आजसम्म जे जति निर्णय गरे ति निर्णयहरु पूर्ण रुपमा कार्यान्वयनमा जाने स्थिति आयो भने बालेन केही समय वा वर्षमै सफल मेयरको रुपमा चिनिनेछन् । भएका निर्णयहरु कार्यान्वयनमा जाने स्थिति आएन भने उनका सफलतामाथि प्रश्न उठ्नेछ यसर्थ मेयरले के निर्णय के का लागि गर्ने भन्ने विषयमा स्वयम् बालेन्द्र र नीजको सचिवालयले सोचोस् अन्यथा असफलताको पगरी बोक्नुको विकल्प हुँदैन ।