थप २ सय ९९ जनामा कोभिड संक्रमण पुष्टि

धादिङ,०४ भाद्र ।
पछिल्लो २४ घण्टामा थप २ सय ९९ जनामा कोभिड सङ्क्रमण पुष्टि भएको छ ।

देशभर चार हजार ३ सय ३७ जनाको नमूना परीक्षण गरिएको थियो । एक हजार छ सय ७० जनाले पिसिआर र २ हजार ६ सय ६७ जनाको एन्टिजेन विधिबाट परीक्षण गरिएको स्वास्थ्य तथा जनसङ्ख्या मन्त्रालयले जनाएको छ ।

यही अवधिमा ५ सय ७७ जना कोरोना सङ्क्रमणमुक्त भएका छन् । यससँगै सङ्क्रमण मुक्त हुनेको सङ्ख्या नौ लाख ७८ हजार ४ सय २२ पुगेको छ । सङ्क्रमण मुक्त हुने दर ९८ दशमलव तीन प्रतिशत रहेको मन्त्रालयले जनाएको छ ।

हाल सक्रिय सङ्क्रमितको सङ्ख्या ४ हजार ६२५ रहेको छ । गत २४ घण्टामा २ जनाको मृत्यु भएसँगै अहिलेसम्म कोरोनाबाट मृत्यु हुनेको सङ्ख्या ११ हजार नौ सय ९२ पुगेको छ ।