२ हजार १८४ कोरोना परीक्षणमा १६ जनामा संक्रमण, थप ९ जना स्वस्थ

धादिङ,२१ जेठ ।

नेपालमा थप १६ जनामा कोरोना भाइरसको सङ्क्रमण पुष्टि भएको छ । गत २४ घन्टामा देशभर २ हजार १८४ कोरोना परीक्षण गर्दा १६ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएका छ ।

जसमा ९ सय ९७ पिसिआर विधिबाट परीक्षण गर्दा ८ र १ हजार २२७ एन्टीजेन परीक्षण गर्दा ८ जनामा सङ्क्रमण पुष्टि भएको छ । यस्तै गत २४ घन्टामा देशभर रहेका सक्रिय सङ्क्रमित मध्ये थप ९ जना स्वस्थ भएका छन्।

योसँगै नेपालमा कोरोना सङ्क्रमणमुक्त हुनेको सङ्ख्या ९ लाख ६७ हजार १२८ पुगेको छ भने २४ घन्टामा कोरोना संक्रमणका कारण मृत्यु हुने शुन्य रहेको छ । हाल देशभर सक्रिय सङ्क्रमितको सङ्ख्या १ सय १० रहेको छ ।