देशभर २ हजार ४११ कोरोना परीक्षण गर्दा ६ जनामा संक्रमण पुष्टि

धादिङ,१६ जेठ ।

नेपालमा थप ६ जनामा कोरोना भाइरसको सङ्क्रमण पुष्टि भएको छ ।

गत २४ घन्टामा देशभर २ हजार ४११ कोरोना परीक्षण गर्दा ६ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयका जनाएको हो ।

जसमा १ हजार ५५३ पिसिआर विधिबाट परीक्षण गर्दा ५ र ८ सय ५८ एन्टीजेन परीक्षण गर्दा १ जनामा सङ्क्रमण पुष्टि भएको छ । यस्तै गत २४ घन्टामा देशभर रहेका सक्रिय सङ्क्रमित मध्ये थप १३ जना स्वस्थ भएका छन् ।

योसँगै नेपालमा कोरोना सङ्क्रमणमुक्त हुनेको सङ्ख्या ९ लाख ६७ हजार ७८ पुगेको छ भने गत २४ घन्टामा कोरोना संक्रमण मृत्यु हुने शुन्य रहेको छ । हाल देशभर सक्रिय सङ्क्रमितको सङ्ख्या १ सय २ रहेको छ ।