बेनिघाट रोराङ–१ को अध्यक्षमा काँग्रेसका जिवन सिं तामाङ विजयी

धादिङ,३१ वैशाख ।
धादिङमा नेपाली काँग्रेसले विजय सुरुवात गरेको छ ।

जिल्लाको बेनिघाट रोराङ गाउँपालिका–१ को वडाध्यक्षमा काँग्रेसबाट उम्मेदवारी दिएका जिवन सिं तामाङ विजयी हुनु भएको छ । तामाङ २९ मतान्तरले विजयी हुनु भएको हो । उहाँले ५३४ मत ल्याएर विजयी हुनु भएको हो ।

उहाँका निकटम प्रतिद्वन्द्वी नेकपा माओवादी केन्द्रका मिलन तामाङले ५०५ मत ल्याउनुभएको छ । यस्तै नेकपा एमालेका सुरेन्द्र कुमार तामाङको भने ५९ मत मात्रै आएको छ ।

०७४ को स्थानीय तहको निर्वाचनमा पनि काँग्रसबाटै वडा अध्यक्षको प्रत्यासी रहेका जीवन माओवादीका नन्द्र प्रसाद तामाङसंग १६ मतले पराजित भएका थिए । यस पटक उहाँले माओवादीकै उम्मेद्वारलाइ २९ मतले हराएर जीत हात पार्नुभएको हो ।