धुनिबेसी नगरपालिकामा एमालेबाट प्रमुख पदका उम्मेदवार रामराजा पाण्डे को हुन ?

केशव अधिकारी
धादिङ,२४ बैशाख ।
आसन्न स्थानीय तह निर्वाचनमा नेकपा एमालेको तर्फबाट धुनिबेसी नगरपालिकाको प्रमुख पदमा उम्मेदवारी दिनु भएका पाण्डे राजनितीबाट समाज बदल्न सकिन्छ भन्ने अठोटका साथ अघि बढिरहनु भएका व्यक्तित्व हुनुहुन्छ ।

नेकपा एमालेको धुनिबेसी नगरकमिटीको अध्यक्ष समेत रहनु भएका पाण्डे पार्टीको मात्रै होइन नगरपालिकाको नगर प्रमुखको जिम्मेवारी सम्हाल्न सक्ने सक्षम व्यक्तिमा चिनिनुहुन्छ । २०४९ सालमा एमालेको साधारण पार्टी सदस्यता पाउनु भएका पाण्डेले २०५३ सालमा संगठित सदस्यता पाउनु भएको थियो । पार्टीको सदस्यता पाएदेखिनै जिवनका उर्जाशिल समय पार्टीको लागि बिताउनु भएका पाण्डे अहिले पनि मिलनसार,जोशिलो र कुशल नेत्तृत्वकर्ताका रुपमा चिनिनुहुन्छ ।

समाजमा चेतनाको दियो सल्काउँदै सामाजिक हितका काममा निस्वार्थ भावनाले फरक फरक क्षेत्रको जिम्मेवारी सम्हाल्दै परिणाममुखी कार्यबाट आफ्नो गाउँ ठाउँ र समाजका लागि झण्डै ५ दशक देखि देखि सक्रिय रहँदै आउनु भएका पाण्डेको उम्मेदवारीले एमाले भित्र मात्रै
होइन विपक्षी दल र राजनितिमा सामान्य चासो राख्नेहरु समेतले वास्तविक जनताका सेवकले जिम्मेवारी पाउन लागेको भन्दै खुसी मनाएका छन्।

राजनितिमा होस या सामाजिक क्षेत्रमा पाण्डेको उपस्थितीले उत्पिडित, शोषित, पिडित, अन्यायमा परेका वर्ग देखि किनारामा परेका समुदायले न्याय र संरक्षणको अनुभूती गर्ने गर्दछन् । सबैका बिचमा छिटै मिल्न र अरुको कुरालाई सुन्न सक्ने क्षमता भएका कारण आवाजविहिन वर्गले पाण्डेलाई आफ्नो सच्चा प्रतिनिधिका रुपमा हेर्नेगरेका छन् ।

धादिङको साविकको नौविसेको कानाकोटमा २०२३ साल चैत २३ गते सामान्य किसान परिवारमा जन्मुन भएका पाण्डेले जिवनका उर्जाशिल समय नेकपा एमालेको पार्टी कार्यकर्ता भएर सामाजिक विकास र परिवर्तनका लागि विताउनु भएको छ ।

नेकपा एमालेको भातृ संगठन तत्कालिन प्रजातान्त्रिक राष्ट्रिय युवा संघको नौविसे गाउँ कमिटीको अध्यक्ष हुंदै २०४७ साल देखि २०६६ सम्म पटक पटक पार्टीको नौविसे गाउँ कमिटीको उपसचिवको जिम्मेवारी सम्हाल्नु भएका पाण्डेले २०६६ देखि गाउँपार्टी कमिटीको अध्यक्ष भएर नौविसे गाविसका एमाले पार्टीलाई अघि बढाउनु भएको थियो ।

यसैक्रममा २०६९सालमा एमाले धादिङको जिल्ला कमिटी सदस्य एवम १०नम्बर इलाका कमिटीको इन्चार्जको जिम्मेवारी पाउनु भएको थियो । मुलुक संघीय संरचनामा गएपछि २०७३ सालमा साविकको नौविसे, जिवनपुर र छत्रेदेउराली गाविसलाई मिलाएर वनाईएको धुनिबेसी नगरपालिकामा एमालेको नगर संयोजकको जिम्मेवारी पाण्डेलेनै पाउनु भएको थियो ।

पार्टीले दिएको जिम्मेवारी कुशलतापूवर्क निर्वाह गर्दै संगठनाई अब्बल र वलियो बनाउन उहाँले खेल्नु भएको भूमिकाकै कारण तत्कालिन एमाले र माओवादी मिलेर गठन भएको नेकपाको धुनिबेसी नगर कमिटीको अध्यक्ष पाण्ण्डेलाई नै बनाईएको थियो । नेकपा विघटन भएपछि २०७७ मा नेकपा एमालेको धुनिबेसी नगर संयोजक तोकिनु भएका पाण्डे २०७८ मा सम्पन्न नगरअधिबेशनबाट पुन अध्यक्षको जिम्मेवारीमा हुनुहुन्छ ।

पाण्डे राजनिति क्षेत्रमा मात्रै होइन सामाजिक क्षेत्रमा पनि उत्तिकै सक्रिय हुनुहुन्छ । पाण्डेले २०५६ देखि २०७० सम्म डिल्ली सावित्री माविको व्यवस्थापन समिति अध्यक्ष भएर बिद्यालयको शैक्षिक गुणस्तर बृद्धि, पुर्वाधार विकासमा महत्वपूर्ण भूमिका निभाउनु भएको थियो । यसैगरि उहाँले २०५३ देखि २०६७ सम्म न्यू एक्टिभिटिज क्लवको अध्यक्ष भएर पनि समाजसेवामा आंफुलाई समर्पित गर्नुभएको थियो ।

पाण्डेले साविकको नौविसे गाविसको खानेपानी, बिद्युत्तिकरण,ग्रामीण सडक, शिक्षाको स्तरोन्नती, रोजगारी, सामाजिक न्यायका क्षेत्रमा गर्नु भएको पहलकदमीनै उहाँको सम्पत्ति । पहिचान बनेको छ । अध्यक्ष भएकै वेला क्लवले आफ्नै कार्यालय भवनको निर्माण समेत गरेको थियो ।
धुनिबेसी नगरक्षेत्र भित्र मात्रै होइन धादिङ जिल्लाभर र राजधानीमा पनि उत्तिकै परिचित हुनुहुन्छ ।

नेकपा एमालेको धुनिवेसी नगर अध्यक्ष हुनुअघि पाण्डेले एमाले पार्टीको फरक फरक जिम्मेवारीमा रहेर आफ्नो जिम्मेवारी सम्हाली सक्नु भएको छ । संक्षेपमा भन्नु पर्दा धुनिबेसी नगरपालिकामा नेकपा एमालेको नेतृत्व गर्दै पार्टीलाई बलियो र जनताका बिचमा लोकप्रिय एवपम विश्वासिलो बनाउन सक्रिय भएर लागिपर्नु भएका पाण्डे शालिन व्यक्तित्व,मिठासपूर्ण बोली,आम नागरिकको सुःख दुःखमा उपस्थित भई साथ दिने सबैका प्यारो व्यक्तिका रुपमा चिनिनुहुन्छ ।