काँग्रेस नीलकण्ठको नगर सभापतिमा धर्मराज भण्डारी(राजकुमार) निर्विरोध निर्वाचित

धादिङ,१२ असोज
नेपाली कांग्रेसको १५औँ अधिवेशनअन्तर्गत नीलकण्ठ नगर कार्यसमितिको निर्वाचनमा सभापति सहित विभिन्न पदका उम्मेदवारहरू निर्विरोध निर्वाचित भएका छन्।
निर्वाचन अधिकृतको कार्यालय, नीलकण्ठ नगरपालिकाले सार्वजनिक गरेको निर्वाचन परिणामअनुसार नगर सभापतिमा धर्मराज भण्डारी (राजकुमार) निर्विरोध निर्वाचित हुनुभएको हो । भण्डारी वर्तमान नीलकण्ठ नगरपालिका वडा नम्बर ८ का वडा अध्यक्ष समेत हुनुहुन्छ । भण्डारीको नेतृत्वमा वडा नम्बर १२ मा विकासले गति लिएको छ ।
त्यस्तै,उपसभापतिमा दीपक दाहाल, उपसभापति महिलातर्फ मिथिला अधिकारी, सचिवमा सन्तोष थापा र सह–सचिवमा सुदर्शन कोइराला निर्विरोध निर्वाचित हुनुभएको छ ।नगर कार्यसमितिअन्तर्गत वडा प्रतिनिधितर्फ पनि विभिन्न समावेशी समूहबाट उम्मेदवारी दिएका सबै उम्मेदवार निर्विरोध निर्वाचित भएका छन्।
वडा नं. १ बाट खुलातर्फ भूपाल गुरुङ र महिलातर्फ कविता गुरुङ, वडा नं. २ बाट खुलातर्फ नवबहादुर थापा मगर र महिलातर्फ लिला गुरुङ, वडा नं. ३ बाट खुलातर्फ सिताराम रिजाल र महिलातर्फ अम्बिका रिजाल निर्विरोध निर्वाचित भएका छन्।

त्यस्तै, वडा नं. ४ बाट खुलातर्फ अम्बर गुरुङ र महिलातर्फ जानुका मिजार, वडा नं. ५ बाट खुलातर्फ कुमारलाल श्रेष्ठ र महिलातर्फ गीता श्रेष्ठ, वडा नं. ६ बाट महिलातर्फ कुमारी खान, वडा नं. ७ बाट खुलातर्फ मिठे वि.क. र महिलातर्फ मञ्जु मगर, तथा वडा नं. ८ बाट खुलातर्फ छविप्रसाद काफ्ली र महिलातर्फ अशोक कुमाल निर्विरोध निर्वाचित भएका छन्।निर्वाचन अधिकृतको कार्यालयले सार्वजनिक गरेको विवरणमा वडा नं. ६ को खुला समूहमा भने उम्मेदवारी नपरेको उल्लेख छ।नीलकण्ठ नगर कार्यसमितिका सबै प्रमुख पदमा निर्विरोध नेतृत्व चयन भएसँगै नगर कांग्रेसको आगामी संगठनात्मक गतिविधि नयाँ नेतृत्वको जिम्मेवारीमा अघि बढ्ने भएको छ।