धादिङको त्रिपुरासुन्दरी गाउँपालिकामा आज सार्वजनिक बिदा

धादिङबेशी,१ जेठ । त्रिपुरासुन्दरी गाउँपालिकाले नृसिंहधाम पुरुषोत्तम महामहोत्सवको अवसरमा आज जेठ १ गते सार्वजनिक बिदा दिने निर्णय गरेको छ ।

गाउँपालिकाले जारी गरेको सूचनाअनुसार गाउँपालिका अन्तर्गत पर्ने बुढीगण्डकी र नेत्रावती नदीको पवित्र संगमस्थल नृसिंहधाम मा सञ्चालन हुन लागेको ऐतिहासिक “नृसिंहधाम पुरुषोत्तम महामहोत्सव मेला–२०८३” को अवसरमा सार्वजनिक बिदा दिइएको हो ।
आज शुक्रबार गाउँपालिका मातहतका सरकारी कार्यालय, सामुदायिक तथा संस्थागत विद्यालय, गैरसरकारी संघसंस्था, बैंक तथा वित्तीय संस्थाहरू बन्द रहने गाउँपालिकाले जनाएको छ ।

गाउँपालिकास्तरीय निर्णयअनुसार सेवा तथा बिदासम्बन्धी जानकारीका लागि सूचना प्रकाशित गरिएको पनि जनाइएको छ । नृसिंहधाममा जेठ १ गतेदेखि ३१ गतेसम्म सञ्चालन हुने महामहोत्सवमा धार्मिक कथा प्रवचन, पूजाआजा, भजनकीर्तन तथा विभिन्न सांस्कृतिक कार्यक्रम आयोजना गरिने तयारी गरिएको छ ।