धादिङको सिद्धलेक गाउँपालिकाको सार्वजनिक सुनुवाइ कार्यक्रम सम्पन्न

धादिङबेशी,२२ बैशाख ।  धादिङको सिद्धलेक गाउँपालिकाको सार्वजनिक सुनुवाइ कार्यक्रम सम्पन्न भएको छ। शुसासन पारदर्शिता र जवाफदेहिताको लागी पालिकाको वडा नं। ६ स्थित कुम्पुर भन्जाङमा आज पालिका स्तरिय सार्वजनिक सुनुवाई सम्पन्न भएको हो ।

सार्वजनिक सुनुवाई कार्यक्रममा गाउँपालिकाका अध्यक्ष परशुराम खतिवडा, उपाध्यक्ष सविता अर्याल,प्रमुख प्रशाशकिय अधिकृत अनिशा आचार्य,वडा अध्यक्ष सुरेन्द्र कुमार मगर लगाएत शाखा प्रमुखहरु प्रमुख वक्ताको रुपमा उपस्थित रहनुभएको थियो ।

कार्यक्रममा स्थानीय नागरिकले सेवा प्रवाह तथा विकास निर्माणका गतिविधिबारे विभिन्न प्रश्न र जिज्ञासा राखेका थिए। सार्वजनिक सुनुवाइमा सहभागीहरूले विशेषगरी सेवा प्रवाहको प्रभावकारिता, विकास आयोजनाको प्रगति तथा पारदर्शितासम्बन्धी विषयमा चासो व्यक्त गरेका थिए।

कार्यक्रम बक्ताहरुले नागरिकका जिज्ञासाको जवाफ दिँदै पालिकाको कार्यसम्पादनबारे जानकारी दिनुभएको थियो । कार्यक्रममा बोल्दै जनप्रतिनिधि तथा कर्मचारीहरूले सुशासन, पारदर्शिता र जवाफदेहिताप्रति आफूहरू प्रतिबद्ध रहेको उल्लेख गर्दै नागरिकमैत्री सेवा प्रवाहलाई थप प्रभावकारी बनाउने प्रतिवद्धता व्यक्त गर्नु भएको छ ।