नेपाल उद्योग वाणिज्य महासंघ बागमतीको कोषाध्यक्षमा रुद्रबहादुर खत्रीको उम्मेदवारी घोषणा

धादिङबेशी,१९ चैत्र । नेपाल उद्योग वाणिज्य महासंघ (एफएनसीसीआई) बागमती प्रदेशको निर्वाचमा रुद्र बहादुर खत्रीले आफ्नो उम्मेदवारी घोषणा गरेका गर्नुभएको छ ।

यहि चैत २३ र २४ गते हेटौंडामा हुने निर्वाचनमा खत्रीले कोषाध्यक्ष पदमा उम्मेदवारी दिने भएको हो । उहाँ धादिङ उद्योग वाणिज्य संघका पूर्व अध्यक्षसमेत हुनुहुन्छ ।

खत्रीले व्यवसायी तथा मतदातालाई आफूलाई मतदान गरी अत्याधिक मतले विजयी गराउन अनुरोध गर्नुभएको छ । उहाँले आफ्नो अनुभव र नेतृत्व क्षमताका आधारमा महासंघलाई अझ सशक्त बनाउन मतदाताले आफुलाई भोट गराउनु पर्ने धारणा राख्नु भयो । पारदर्शी र उत्तरदायी बित्तिय प्रणालीको लागी आफुहरुको उम्मेद्वारी हुने उहाँले बताउनु भयो ।

यसैबीच, धादिङ उद्योग वाणिज्य संघका अध्यक्ष रामकुमार डल्लाकोटी र बरिष्ठ उपाध्यक्ष रोहित भण्डारीले लगाएत धादिङको सिङ्गो टिमले खत्रीलाई समर्थन जनाउँदै मतदातासँग उहाँलाई जिताउन अपिल गर्नुभएको छ ।

उक्त निर्वाचनले बागमती प्रदेशका उद्योगी–व्यवसायीहरूको प्रतिनिधित्व गर्ने नेतृत्व चयन गर्ने भएकाले यसलाई महत्वपूर्ण रूपमा हेरिएको छ ।

अत्याधिक ब्यवसायीको रोजाईमा रहेका धादिङका रुद्र बहादुर खत्री बेद बहादुर श्रेष्ठको टिमबाट कोषाध्यक्षमा उम्मेद्वारी दिन लाग्नुभएको हो ।