धादिङ–२ को समानुपातिक मत परिणाम: रास्वपा पहिलो

धादिङ, २५ फागुन ।
प्रतिनिधिसभा सदस्य निर्वाचनअन्तर्गत धादिङ निर्वाचन क्षेत्र नम्बर २ मा समानुपातिकतर्फको मतगणना सम्पन्न भएको छ। समानुपातिक मतपरिणाममा राष्ट्रिय स्वतन्त्र पार्टी (रास्वपा) पहिलो स्थानमा रहेको निर्वाचन कार्यालयले जनाएको छ।

कार्यालयका अनुसार रास्वपाले समानुपातिकतर्फ २८ हजार ७५२ मत प्राप्त गरेको छ। त्यसैगरी नेपाली कांग्रेसले १८ हजार ५५४ मत प्राप्त गर्दै दोस्रो स्थान हासिल गरेको छ भने नेपाल कम्युनिष्ट पार्टी (एकीकृत माक्र्सवादी लेनिनवादी)ले ९ हजार ६३३ मत पाएको छ।

त्यस्तै नेपाल कम्युनिष्ट पार्टीले ७ हजार ८७९ मत प्राप्त गरेको छ। राष्ट्रिय प्रजातन्त्र पार्टीले २ हजार ५०९ मत प्राप्त गर्दा राष्ट्रिय परिवर्तन पार्टीले १ हजार ५१० मत पाएको छ।

यसैगरी श्रम संस्कृति पार्टीले ८०३, मंगोल नेशनल अर्गनाइजेशनले ५३० र संयुक्त नागरिक पार्टीले २७६ मत प्राप्त गरेका छन्। नेपाल जनता संरक्षण पार्टीले १७२, प्रगतिशील लोकतान्त्रिक पार्टीले १६१ तथा जनमत पार्टीले १३६ मत प्राप्त गरेको निर्वाचन कार्यालयले जनाएको छ ।