नगर स्तरीय मगर पन्चेबाजा प्रतियोगितामा राष्ट्रिय नौमती पञ्चेबाजा समूह प्रथम

धादिङ, माघ ४ गते ।
धादिङबेसीमा भएको नीलकण्ठ नगर स्तरीय मगर पन्चेबाजा प्रतियोगितामा राष्ट्रिय नौमती पञ्चेबाजा समूह प्रथम भएको छ । नेपाल मगर संघ नीलकण्ठ नगर समिति धादिङको आयोजना भएको प्रातियोगितामा नीलकण्ठ –५ पहरेछापको राष्ट्रिय नौमती पञ्चेबाजा समूह प्रथम भएको हो।

त्यसैगरी नीलकण्ठ –६ को बज्रयोगिनी पञ्चेवाजा समूह द्वितीय, नीलकण्ठ ६ कै सितलादेवी महिला विकास समिति तृतिय र नीलकण्ठ –१४ को रातमाटे मगर बाजा समुह सान्त्वना भएको छ ।

प्रतियोगितामा प्रथम, द्धितिय, तृतिय र सान्त्वना हुनेलाई क्रमश नगद ६ हजार ६ सय ६६, ५ हजार ५ सय ५५, ४ हजार ४ सय ४४ र २ हजार २ सय २२ रुपैया प्रदान गरिएको छ ।

धादिङबेसी स्थित सिटि हलमा सम्पन्न प्रतियोगितामा नेपाल मगर संघ केन्द्रिय समितिका उप महासचिव एकु थापा मगरको प्रमुख आतिथ्यता रहेको थियो ।