धादिङको सेउली नजिकै बलेरो दुर्घटनामा : १४ जना घाइते, ३ जनाको अवस्था गम्भीर

धादिङबेशी । नीलकण्ठ नगरपालिका–१३ सेउली नजिकै बोलेरो जिप दुर्घटना हुँदा १४ जना घाइते भएका छन्।

उत्तरी धादिङको खनियाबास गाउँपालिका–१ पेर्चोबाट धादिङबेसीतर्फ आउँदै गरेको ग १ ज ६७५५ नम्बरको बोलेरो जिप सेउली नजिकै अनियन्त्रित भई पल्टिएको हो। घरमा दशैं मनाएर फर्किंदै गरेका यात्रु सवार गाडीको एक्कासि ब्रेक नलागेपछि दुर्घटना भएको जनाइएको छ।

दुर्घटनामा घाइते भएकामध्ये ११ जनाको धादिङ अस्पतालमा उपचार भइरहेको छ भने ३ जनाको अवस्था गम्भीर रहेको प्रहरीले जनाएको छ। घटनापछि स्थानीयबासी र नेपाल प्रहरीको सहयोगमा घाइतेहरूको उद्धार गरी अस्पताल पठाइएको थियो।

जिल्ला प्रहरी कार्यालय धादिङका प्रहरी नायव उपरीक्षक तथा सूचना अधिकारी प्रकाश दाहालका अनुसार घाइतेहरूमध्ये ९ जनाको उपचार धादिङ अस्पतालमै भइरहेको छ।