धादिङमा बढी आयकर बुझाउने तीन करदाता सम्मानित
नीलकण्ठमा DXN को स्वास्थ्य सचेतना तथा व्यावसायिक अवसरसम्बन्धी तालिम सम्पन्न
धादिङमा उच्च सतर्कता अपनाउन जिल्ला प्रशासन कार्यालय धादिङको आग्रह
पशुपति बहुउद्देश्यीय सहकारीको अध्यक्षमा जयराम भण्डारी चयन
भोटेकोशी बाढीमा आफन्त गुमाएका नीलकण्ठका २० परिवारलाई दिपा फाउन्डेसनको आर्थिक सहयोग
पन्टुन पुल निर्माण सम्बन्धी धुनिवेशीमा बसेको स्थानीय तहका प्रमुखहरुको बैठकले गर्यो यस्ता ४ निर्णय
धादिङबेशी १९,साउन । नेपाल कम्युनिष्ट पार्टी (माओवादी केन्द्र) धादिङले सांगठनिक रूपान्तरण र वैचारिक स्पष्टता अभिवृद्धि गर्ने लक्ष्यसहित दुईदिने जिल्ला स्तरीय प्रशिक्षक प्रशिक्षण कार्यक्रम सम्पन्न गरेको छ ।
तालिममा जिल्लाभरिका स्थानीय तह र जनवर्गीय संगठनहरूबाट प्रतिनिधित्वसहित १५० जना प्रशिक्षार्थीको सहभागिता रहेको थियो । उद्घाटन सत्र जिल्ला संयोजक मनराज भण्डारीको अध्यक्षता र जिल्ला इञ्चार्ज तथा केन्द्रीय सदस्य पुष्प विक्रम मल्लको प्रमुख आतिथ्यमा सम्पन्न भएको थियो । कार्यक्रममा बागमतीका पूर्वमुख्यमन्त्री शालिकराम जम्कट्टेल, केन्द्रीय सदस्य अप्सरा सिंखडा (दिपा), रामबहादुर भण्डारी, प्रदेश सह–सचिव दलबहादुर बुर्लाकोटी लगायत नेताहरूको उपस्थिति रहेको थियो ।
तालिमको पहिलो दिन झम्क परियारले दर्शनशास्त्रमा प्रवेश गराउँदै वैचारिक आधार निर्माणमा मार्गदर्शन गर्नुभयो भने प्रकाश आचार्यले माक्र्सवादी अर्थशास्त्र र समाजवादी अर्थतन्त्रबारे सैद्धान्तिक पक्षहरू प्रस्तुत गर्नुभयो ।
करिमान तामाङ र हरिबहादुर विश्वकर्माले वैज्ञानिक समाजवाद र पार्टी कार्यदिशा, सरोज तामाङ र सुब्बा रम्तेलले संगठनको संरचना र कार्यपद्धतिबारे प्रशिक्षण दिनुभयो ।
त्यस्तै, दोस्रो दिन प्रेम तामाङले राज्यसत्ता, सरकार सञ्चालन प्रणाली र उत्पादन पद्धतिबारे सहजीकरण गर्नुभयो । राजकुमार उप्रेतीले तालिम दिने शैलीमा मार्गदर्शन गर्नुभयो भने अमृत तामाङले सामाजिक सञ्जाल र सूचना प्रविधिको संगठनात्मक प्रयोगबारे प्रस्तुति दिनुभयो ।
खेमराज भुजेलले प्रभावकारी निर्वाचन परिचालनबारे र पुष्प विक्रम मल्लले पार्टी, स्थानीय सरकार र समाजवादप्रतिको दृष्टिकोणमा प्रशिक्षण दिनुभएको थियो ।
तालिमको समापनमा सहभागी सबै प्रशिक्षार्थीलाई प्रमाणपत्र प्रदान गरिएको थियो । माओवादी केन्द्र धादिङले यो कार्यक्रमलाई केवल वैचारिक सुदृढीकरणको माध्यम मात्र नभई प्रशिक्षक उत्पादनको ठोस प्रयासका रूपमा लिएको जनाएको छ । प्रशिक्षार्थीहरू आ–आफ्नो पालिकामा संगठनात्मक प्रशिक्षण अभियानमा सक्रिय भूमिका खेल्ने अपेक्षा गरिएको छ ।

मुख्य समाचार
मुख्य समाचार
स्थानीय मुद्दादेखि राष्ट्रिय सरोकारसम्म, भरपर्दो समाचार र जनताको आवाजलाई जोड्ने निलकन्ठ एफ.एम. र अनलाइन खबर पोर्टल ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
बागमती प्रदेश, नेपाल
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... |
| कार्यक्रारी सम्पादक : | |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |
ताजा समाचार, विशेष सामग्री र रेडियो कार्यक्रम सुन्न हामीसँग जोडिनुहोस् ।