त्रिशूली नदीमा हामफालेर एक महिला बेपत्ता

धादिङ, ११ असार ।
धादिङको गल्छी गाउँपालिका–१ छाङगेश्वर मन्दिर नजिकैको झोलुङ्गे पुलबाट एक महिला त्रिशूली नदीमा हामफाली बेपत्ता भएकी छन् ।

आज बिहान करिब ८ः४५ बजेको समयमा ५६ वर्षीया साईली गिरीले गल्छी गाउँपालिका वडा नं. १ र ८ जोड्ने झोलुङ्गे पुलबाट त्रिशूली नदीमा हामफालेकी हुन् भन्ने जानकारी प्राप्त भएको जिल्ला प्रहरी धादिङले जानकारी दिएको छ ।

घटनाको जानकारी पाउनासाथ प्रहरी चौकी बैरेनीबाट प्रहरी सहायक निरीक्षक काशीराम बुढाको कमाण्डमा सात जना प्रहरी टोली घटनास्थलमा खटिएको थियो । साथै, सशस्त्र प्रहरी बल विपद् व्यवस्थापन बेस आदमघाटबाट सशस्त्र प्रहरी नायब निरीक्षक सुरेन्द्र कुमार मण्डलको कमाण्डमा नौ जनाको टोलीसमेत उद्धारका लागि परिचालन गरिएको छ ।

¥याफ्टिङको सहयोगमा त्रिशूली नदीमा खोज तथा उद्धार कार्य जारी रहेको जिल्ला प्रहरी कार्यलय धादिङका प्रहरी नायब उपरिक्षक सुवास हमालले जानकारी दिनुभयो ।