चिल्ड्रेनपार्क आवासीय माविमा नायक र सहनायकको निर्वाचन :मतगणना आइतबार मात्र

चिल्ड्रेनपार्क आवासिय माविले विद्यार्थीलाई निर्वाचन प्रकृयाको जानकारी दिँदै विद्यालय नायक र सहनायकको निर्वाचन गराएको छ ।

निर्वाचनबाट विद्यालय नायक र सहनायकको छनौट गर्न विद्यालयको तर्फबाट चुनावको तयारी र प्रकृया पुरा गरेर शान्तपुर्वक निर्वाचन गराएको विद्यालयका प्रिन्सिपल षष्टीकुमार श्रेष्ठले जानकारी दिनुभयो ।

५ सय ५३ जना मतदाता रहेको चिल्ड्रेनपार्क आवासिय माविमा ५ सय ३२ जनाले मतदान गरेका थिए ।

एकजना नायकका लागि ७ जना र एक जना सहनायकका लागि ३५ जना उम्मेदवार रहेको प्रिन्सिपल श्रेष्ठले जानकारी दिनुभयो । शुक्रबार भएको मत गणना आइतबार मतगणना गरि मंगलबार मत परिणाम सार्वजनिक गरिने विद्यालयले जनाएको छ ।

मतदाता र उम्मेदवार धेरै भएकोले निर्वाचन बारे विद्यार्थीलाई बुझाउनका लागि पनि व्यवस्थितसंग गणना र मत परिणाम सार्वजनिक गरिने कार्यक्रम तय गरिएको हो ।