पुर्व प्रधानमन्त्री तथा माओवादी केन्द्रका अध्यक्ष प्रचण्डद्वारा स्वर्गीय दुर्गा प्रसाद धमलाको शालिक अनावरण

धादिङ,२५ पुस
धादिङको नीलकण्ठ नगरपालिका वडा नम्बर ११ धमला गाउँमा स्वर्गीय दुर्गा प्रसाद धमलाको शालिक अनवारण गरीएको छ । ४५ औँ दिनको पुण्य तिथिको अवसरमा पुर्व प्रधानमन्त्री तथा नेकपा माओवादी केन्द्रका अध्यक्ष पुष्प कमल दाहाल प्रचण्डले शालिक अनवारण गर्नुभएको हो । वि.स.१९८८ सालमा जन्मनु भएका स्वर्गीय दुर्गा प्रसाद धमलाको वि.स.२०८१ मंसिर १ गते उपचारको क्रममा काठमाण्डौमा निधन भएको थियो ।

लामो समय समाज परिवर्तनको लागि काम गर्नुभएका धमलाको सम्झना स्वरुप गाउँमै शालिक निर्माण गरीएको पुर्व मन्त्री तथा नेकपा माओवादी केन्द्रका नेतृ कल्पना धमलाले बताउनुभयो । शालिक अनवारण कार्यक्रममा नेपाली काँग्रेसका सह महामन्त्री किशोर सिंह राठौंर,राप्रपाका उपाध्यक्ष बुद्धिमान तामाङ,पुर्व मुख्यमन्त्री शालिकराम जम्मकट्टेल,संविधान सभा सदस्य पुष्प विक्रम मल्ल,गुरु बुर्लाकोटी,प्रदेश सांसद गोविन्द लम्साल,नेपाल नगरपालिका संघका अध्यक्ष तथा नीलकण्ठ नगरपालिकाका नगर प्रमुख भीम प्रसाद ढुंगाना,नेपाली काँग्रेसका सभापति रमेश धमला लगायत विभिन्न पार्टी प्रतिनिधि,सुरक्षा निकायका प्रमुख तथा स्थानीयहरुको सहभागिता रहेको थियो ।

अग्रज पुस्ताको सम्मानको संस्कृति विकास गर्ने उदेश्यको साथ शालिक निर्माण गरीएको हो । शालिक अनावरण कार्यक्रमलाई सम्बोधन गर्नुहुदै प्रमुख अतिथी तथा अतिथीहरुले स्वर्गीय दुर्गा प्रसाद धमलाले पु¥याउनु भएको योगदानको उच्च मुंल्याकन गर्दै उहाँले समाज परिवर्तनमा पुर्याउनु भएको योगदानको चर्चा गर्नुभएको थियो । कार्यक्रमकै अवसर पारेर स्वर्गीय दुर्गा प्रसाद धमलालाई सहयोग गर्नुहुने तथा घरमा काम गर्ने,दलित परिवारका सदस्यहरुलाई सम्मान गरिएको थियो ।