नेपाल सामु १ सय ५७ रनको लक्ष्य

नेपाल र संयुक्त राज्य अमेरिकाका पुरुष राष्ट्रिय टोलीबीचको टी२० शृङ्खलाअन्तर्गत अन्तिम खेलमा जितका लागि नेपालले १५७ रनको लक्ष्य पाएको छ।
अमेरिकाको ड्यालसमा हुने खेलअघि टस जिती ब्याटिङ रोजेको अमेरिकाले निर्धारित २० ओभरमा ५ विकेटको क्षतिमा १५६ रन बनायो।
यस इनिङ्समा नेपालका लागि सोमपाल कामीले सर्वाधिक ३ विकेट लिए।यसअघिका दुवै खेल नेपालले जिती शृङ्खलाको अन्तिम नतिजा आफ्नो पक्षमा पारिसकेको छ।
नेपाली समयअनुसार शुक्रवार बिहान भएको खेलमा नेपाल १७ रनले विजयी भएको थियो। नेपाली समयअनुसार हिजो बिहान भएको दोस्रो खेल नियमित समयभित्रमा बराबरीमा टुङ्गिएपछि सुपर ओभर खेलिएको थियो। त्यसमा पनि नेपाल विजयी भएको थियो।