कोशिशद्धारा धादिङमा मानसिक स्वास्थ्य सम्बन्धि दुई दिने अभिमुखिकरण कार्यक्रम संचालन

धादिङ,१० असोज ।
कोशिश, राष्ट्रिय मानसिक स्वास्थ्य स्वाबलम्वन संगठनले धादिङ जिल्लममा मानसिक स्वास्थ्य सम्बन्धि दुई दिने अभिमुखिकरण कार्यक्रम संचालन गरेको छ । धादिङ अस्पताल र नीलकण्ठ नगरपालिका स्वास्थ्य शाखा सँग समन्वय गरेर अभिमुखिकरण कार्यक्रम संचालन गरेको हो ।

कार्यक्रममा मानसिक स्वास्थ्य तथा मनोमाजिक समस्या कसरी उत्पन्न हुन्छ? कसरी पहिचान गर्ने, सहयोगको लागि के गर्ने भन्ने विषयमा कोशिशका मनोविद संगिता लौडारीले जानकारी गराउनुभएको थियो ।

त्यसैगरी कोशिशले मानसिक स्वास्थ्यको क्षेत्रमा हालसम्म गर्दै आएको कार्यहरुको बारेमा वरिष्ठ सामाजिक कार्यकर्ता मन्जु क्षेत्रीले जानकारी दिनुभयो ।
कार्यक्रमकै अवसरमा नलिकण्ठ नगरपालिकाका जनस्वास्थ्य निरिक्षक शिव रानाले लैङ्गिक हिंसा तथा कुनै पनि हिंसाका कारण मानसिक स्वास्थ्य समस्या बढ्ने हुँदा सम्बन्धित व्यक्तिको चासो रहनुपर्ने कुरा औल्याउनुभएको थियो ।

समस्या भएका व्यक्तिहरुलाइ पहिचान गर्न र सम्बन्धित ठाउँमा रेफर गर्न सक्ने वातावरण होस् भन्ने उद्धेश्यले स्वास्थ्य शाखा इन्र्चाज तथा स्वास्थ्यकमीहरुलाई यो कार्यक्रम आयोजना गरिएको मन्जु क्षेत्रीले बताउनुभयो ।

त्यसैगरी कोशिशले हाल प्रदान गर्दै आएको मानसिक स्वास्थ्यमा नमुना सेवा जस्तै धादिङ अस्प्तालमा पनि होलेस्टिक टिम हुनुपर्नेमा जोड दिनुभएको थियो ।
कार्यक्रममा धादिङ अस्पतालका निमित्त निर्देशक डा. गगन अधिकारी, नर्सिङ निरिक्ष बिमला महरा, लगायतको उपस्थिति रहेको थियो ।

२०६५ सालमा स्थापना भएको कोशिश संस्थाले मानसिक स्वास्थ्यको क्षेत्रमा अनवरत रुपमा काम गर्दै आइरहेको छ । कोशिशले मुख्यतय दुई वटा क्षेत्रमा काम गर्दै आएको छ । एड्भोकेसी लेबल र सेवा प्रवाहको रुपमा काम गरिरहेको छ ।